Ubwandilo 47:19 - IBAYIBOLO 2024

¹⁹ Nkimba choni chicho tungafwanga nizala pantazi papako? Ututane aswe poka na maghunda ghitu ni chakulya, aswe poka ni chisu chitu tukwiza pakuba twe bazya aba Falabo. Utupeko imbeyu ukuti tubyale mumaghunda ghitu umwakuti ghatakaghonele.”

Ubwandilo 47:19 Iomraidhean Croise

Ubwandilo 41:36

Ivyakulya vila vibanje vyakulya pakabalilo aka zala kako kakwiza mumaka seveni mu Ijiputi, umwakuti abantu batakazimile nizala.”

Ubwandilo 47:15

Bo indalama zyosi zyamala muchisu icha Ijiputi na muchisu icha Kenani, aba Ijiputi bosi bakiza kwa Yosefu nukumulaba ukuti, “Utupeko ivyakulya! Utakatuleke ukuti tufwe nizala, bombapo zimo, indalama zyitu zyamala.”

Ubwandilo 47:18

Bo umwaka ghula wamala, abantu bakabuka kukwache nukuti, “Wee mwene witu, tutabaghiye pakukuvinda nachimochimo we mwene witu ukuti indalama zyitu zyosi zyamala, sona vyope ivitekwa vyako. Mwene, chitalipo nachimo chicho chasyala, loli vivyo vyasyalako gho mabili ghitu sona na maghunda ghitu.

Ubwandilo 47:20

Po u Yosefu akamughulila u Falabo ichisu chosi icha Ijiputi, abantu bosi aba muchisu icha Ijiputi bakaghulizya amaghunda ghabo pachifukwa icha kuwa ukwa zala. Ichisu chosi chila chikaba cha Falabo.

Yobu 2:4

U Satana akamwamula u Mwene akati, “Loli ughuyele umubili wache! Po umuntu angitika pakutagha vyosi vivyo ali navyo ukuti abanje nubumi.

Nkuto 1:11

Abantu bache bosi bakukoloma, bo bali pakulonda ivibama. Bakughulizannya ubukabi bwabo ni chikulya, umwakuti babanje nubumi. “Wee Mwene, unyennye ni chisa, pakuti nkusamuliwa nkani.”

Nkuto 5:6

Tukababombela aba Ijiputi naba Asiliya, ukuti batupeko ichakulya ichakukwana.

Nkuto 5:9

Pakuchagha ichakulya tukukomanagha nu bupalapala nkani, pachifukwa icha babo bakubaghogha abanji munkolongo.

Matayi 16:26

Nkimba umuntu akukabapo chimo nanti akaba ichisu chosi ichapasi, loli abutaghe ubumi bwache? Awe! Chitalipo nachimo chicho angalipa ukuti asende sona ubumi bwache.