Ubwandilo 47:17 - IBAYIBOLO 2024

¹⁷ Abantu bakamupa u Yosefu ing'ombe, po u Yosefu akabapa ivyakulya pakutanana ni ifalasi ni ng'ozi ni mbuzi ni ng'ombe sona ni mpunda. Umwaka ghosi ghulaghula akabapa ivyakulya pakutanana ni vitekwa vyabo.

Ubwandilo 47:17 Iomraidhean Croise

Ubwandilo 47:16

Po u Yosefu akabamula akati, “Mumpe ing'ombe zyinyu po nane nkwiza pakubapa ivyakulya pakutanana ni ng'ombe zyinyu, pakuti indalama zyinyu zyamala.”

Ubwandilo 47:18

Bo umwaka ghula wamala, abantu bakabuka kukwache nukuti, “Wee mwene witu, tutabaghiye pakukuvinda nachimochimo we mwene witu ukuti indalama zyitu zyosi zyamala, sona vyope ivitekwa vyako. Mwene, chitalipo nachimo chicho chasyala, loli vivyo vyasyalako gho mabili ghitu sona na maghunda ghitu.

1 Abamwene 10:28

Ifalasi izya Solomoni zikaghuliwanga ku Ijiputi, na ku Kuwe. Abakughula abamwene bo babo bakazighula ku Kuwe.

Yobu 2:4

U Satana akamwamula u Mwene akati, “Loli ughuyele umubili wache! Po umuntu angitika pakutagha vyosi vivyo ali navyo ukuti abanje nubumi.

Ukufuma 9:3

Po u Mwene na maka ghache, akwiza pakubombezya ichiwaya ichakoghofya nkani nukuzifunda ing'ombe zyako ni falasi ni mpunda ni ngamila ni ng'ozi sona ni mbuzi zyako.

Yesaya 31:1

Chighune ku bantu babo bakubuka kuchisu icha Ijiputi, pakulaba ubwavwilizi, babo beghamiye pafalasi, abantu babo bachisubiye ichilundilo icha bendezya ingolo, namumaka amakulu agha basilikali babo, loli batakumusubila u Muzelu uwa Izilayeli, pamo ukulonda ubwavwilizi ubwa Mwene.

Matayi 6:24

“Atalipo uwambombo yuyo angababombela imbombo abamwene babili pakabalilo koka. Pakuti angamughana weka nukumubenga uyunji, pamo angamwivwila weka nukumusula uyunji. Utangabombela vyosi vibili akabalilo koka, u Chala ni ndalama.