Ubwandilo 47:14 - IBAYIBOLO 2024

¹⁴ Bo abantu bakughula ivyakulya u Yosefu akabunganika indalama zyosi poka zizyo akazyagha muchisu icha Ijiputi nicha Kenani. U Yosefu akiza ni ndalama zila munyumba iya Falabo.

Ubwandilo 47:14 Iomraidhean Croise

Ubwandilo 41:56

Bo izala yawa muchisu chosi icha Ijiputi, u Yosefu akighula intamba nukwanda pakubaghulizizya ivyakulya, pachifukwa ichakuti kukawa nkani izala muchisu chosi chila.

Ubwandilo 41:57

Ivyisu vyosi vikizagha mu Ijiputi pakughula ivyakulya kwa Yosefu, pachifukwa ichakuti izala yikawa muchisu chosi ichapasi.

Ubwandilo 47:15

Bo indalama zyosi zyamala muchisu icha Ijiputi na muchisu icha Kenani, aba Ijiputi bosi bakiza kwa Yosefu nukumulaba ukuti, “Utupeko ivyakulya! Utakatuleke ukuti tufwe nizala, bombapo zimo, indalama zyitu zyamala.”

Ivyili 11:26

Abantu bakumughunagha umuntu yuyo akufisa ichakulya ukuti akabilayepo, loli bakumusaya yuyo akughulizya ichakulya pakabalilo kache.

1 Aba Kolinti 4:2

Po ichintu chicho chikulondiwa na bakapitawa banaba, chakuti babanje basubiliwa.

1 Pitala 4:10

Umuntu wesi abombezye ichabupi chicho apokelite, umwakuti chibavwanje abantu abanji. Mubanje bakapitawa abiza pakabombezekezye akiza aka vyabupi ivyakulekanalekana vivyo mwapokela kwa Chala.