Ubwandilo 47:12 - IBAYIBOLO 2024

¹² U Yosefu akamupa uwise ichakulya, na bawamwabo, sona na bosi babo bakikalagha munyumba iya wise, ukuyana nu bwinji ubwa bantu.

Ubwandilo 47:12 Iomraidhean Croise

Ubwandilo 45:10

Mukwiza pakwikala muchisu icha Gosheni, sona mukwiza pakwikala papipi nane, amwe na bana binyu, na bizukulu binyu, ni ng'ozi zyinyu, ni mbuzi zyinyu, ni ng'ombe zyinyu, sona na vyosi vivyo muli navyo.

Ubwandilo 45:11

Kuko nkwiza pakubapanga ivyakulya, pakuti kwasyala amaka fayivi agha zala, sona intakulonda amwe na bamunyumba zyinyu ukuti mufwe nizala poka ni vitekwa vyinyu.’

Ubwandilo 45:7

U Chala akantuma ane muntazi mumwinyu ukuti mubanje na baluko ulukulu nkani.

Ubwandilo 47:1

Po u Yosefu akamubuzya u Falabo akati, “Utata poka na bawamwitu bizite kuno ukufuma ku Kenani. Bizite ni vitekwa vyabo vyosi poka nu katundu wabo wesi. Losi ulu bali muchisu icha Gosheni.”

Ubwandilo 47:21

Abantu bosi aba muchisu icha Ijiputi bakaba bazya ukwandila ko kumpaka nukufika kumpaka iyinji.

Ubwandilo 47:24

Loli pakabalilo akakwinulila mukwiza pakumupa u Falabo ichigaba choka pa vigaba vyosi fayivi, po ivigaba vyosi folo vikwiza pakuba vyinyu ngati mbeyu iya mumaghunda, sona ngati vyakulya amwe poka na babo mukwikala nabo, sona ngati chakulya icha bana binyu.”

Ubwandilo 50:21

Polelo mutakanyilaye, nkwiza pakubasungilila poka na bana binyu.” Po akabakazya amoyo abawamwabo nukubasangalusya.

Ukufuma 20:12

“Umuchindikaye ughuso nu nyoko, umwakuti ubanje nubumi ubutali muchisu chicho u Mwene u Chala wako akukupa.

Yesaya 22:24

Bakwiza pakumutwika ubung'wamu bosi ubwa banyumba yache bukwiza pakuba papache, abana na bizukulu bache ni vibombelo vyosi ivinandi, ukwandila imbale mupaka pa sonta.

1 Aba Tesalonika 2:7

Napapo twe batumiwa aba Kilisitu, aswe tukabaghila pakupokela vimo ivintu ukufuma kukwinyu, loli tukaba bololo kukwinyu ukuyana namumo umayi akubasungila abana bache.

1 Timoti 4:8

Ukwizubizya umubili kukumwavwa umuntu panandi, loli pakuba nubumi ubwakumuchindika u Chala kukumwavwa nkani umuntu muvintu vyosi, pakuti bukutupa aswe ilayizyo ilya bumi ubwilelo nubwa muntazi.

1 Timoti 5:4

Loli nanti umukolo umufwilwe ali na bana, pamo abizukulu, banaba bo babo babaghiye pakumanyila tasi ukumunyila u Chala munyumba zyabo. Pakubomba bunubu bakwiza pakubanyokezya abapapi na basekulu babo, zizyo bakapokela kukwabo, pakuti ichi chikumuhobosya nkani u Chala.

1 Timoti 5:8

Loli nanti umuntu wesi atakubavwa abakamu bache, nkaninkani abamunyumba yache, atagha ulwitiko lwache, sona we mubibi nkani nukuchila umuntu yuyo ate mwitiki.

Luti 4:15

Umulasagha wako akughanite nkani, sona akubombela ichintu ichikulu nkani ukubachila abana abalumendo seveni. Losi ulu akupiye umwizukulu, yuyo akwiza pakukupa ubumi ubupya, sona akwiza pakukusangalusya mubughosi bwako.”