Ubwandilo 46:34 - IBAYIBOLO 2024

³⁴ Mwamulaye ukuti, ‘Ababombi bako bateka ng'ombe mubumi bwabo bosi ngati mumo bakabombelagha abanyenya bitu.’ Nanti mwanena bunubu mukwiza pakwikala muchisu icha Gosheni.” U Yosefu akanena zinizi pachifukwa ichakuti aba Ijiputi batakahobokagha na badimi.

Ubwandilo 46:34 Iomraidhean Croise

Ubwandilo 13:7

Po ivyongo vikanda pakasi pa badimi aba Abulamu na badimi aba Loti. Pakabalilo kalakala, aba Kenani naba Pelezi bakaba bachili bakwikala muchisu chilachila.

Ubwandilo 13:8

Po u Abulamu akamubuzya u Loti akati, “Awe nane twe banamuntu, polelo patakabe ivyongo pakasi papako nane, sona na pakasi pa badimi bako na badimi bane.

Ubwandilo 26:20

Loli abadimi aba mu Gelala na badimi aba Yisaki bakanda ivyongo nukuti, “Amizi agha ghitu.” Po u Yisaki akachita ichiziba chila ukuti, “Ivyongo.”

Ubwandilo 30:35

Loli pisiku lilalila u Labani akefya abasabwe bosi abamolomolo, pamo abamabala, sona ni mbuzi zyosi na zyosi izya mabalamabala, izya madoba, sona ni ng'ozi zyosi infitu nukubapa abana bache ukuti bazidimaye.

Ubwandilo 34:5

U Yakobo akwivwa ukuti umwana wache u Dina bamulema pamaka, loli pakuti abana bache abalumendo bakaba pakudima ivitekwa vyache, atakabombapo nachimochimo mupaka bakabwelako.

Ubwandilo 37:12

Isiku limo bo abawamwabo aba Yosefu babuka ku Shekemu pakudima ing'ozi izya wise,

Ubwandilo 37:2

Ili lyo lipangwi ilya bamunyumba iya Yakobo: Bo u Yosefu ali na maka 17 akadimagha imbuzi ni ng'ozi poka na bakamu bache, abana aba Biliha, naba Zilipa abachi abanji abawise. Po u Yosefu akabalongelela kwa wise ivintu ivibibi vivyo abakamu bache bala bakabombagha.

Ubwandilo 43:32

Bakamupa ichakulya pamwene, na bope pabene, sona bope aba Ijiputi babo bakalyanga nawe pabene, pachifukwa ichakuti aba Ijiputi batakaba bakuti bangalya naba Hebeli, pakuti chikaba chintu chamwiko.

Ubwandilo 45:10

Mukwiza pakwikala muchisu icha Gosheni, sona mukwiza pakwikala papipi nane, amwe na bana binyu, na bizukulu binyu, ni ng'ozi zyinyu, ni mbuzi zyinyu, ni ng'ombe zyinyu, sona na vyosi vivyo muli navyo.

Ubwandilo 45:18

Kamusende ughuso na bamunyumba zyabo, bize kuno. Nkwiza pakubapa ichisu icha muvundo nkani mu Ijiputi muno, sona bakwiza pakwilagha ivyakulya ivya muchisu ichi.

Ubwandilo 46:32

Sona abantu banaba badimi pachifukwa ichakuti bakaba bateka ng'ombe, sona biza ni vitekwa vyabo ivyinji nkani navyosi vivyo bangaba navyo.’

Ubwandilo 47:11

Po u Falabo akamuzengezya uwise na bawamwabo muchisu icha Ijiputi, akabapa ubuzilo ubwiza nkani ubwa muvundo papipi nakaya akakulu nkani aka Lamesesi ukuyana mumo u Falabo akamulamulila.

Ubwandilo 47:3

U Falabo akabalalusya bawamwabo akati, “Nkimba mukubomba mbombo yoni?” Po bakamwamula bakati, “Ababombi bako badimi bulo ngati mumo abanyenya bitu bakabombelagha.

Ubwandilo 47:4

Twiza pakwikala muchisu chinichi, pachifukwa ichakuti muchisu icha Kenani muwiye izala inkulu nkani sona litalimo nisote ilya ing'ozi ni mbuzi zyitu. Po tukukulaba ukuti ubitikizye ababombi bako ukuti twikale muchisu ichi.”

Ubwandilo 47:6

Ichisu icha Ijiputi chili munyobe zyinyu, mwikazye ughuso na bawamwinyu pabuzilo ubwiza nkani muchisu ichi, baleke bikalaye muchigaba icha Gosheni. Sona nanti abantu bamo pakasi pabawamwinyu bamenye pakudima ivitekwa babanje balaghili aba kwenelezya ivitekwa vyane.”

Ukufuma 8:22

“ ‘Loli pisiku lilalila ntakwiza pakuchipalamasya ichigaba icha Gosheni kuko abantu bane bakwikala, umwakuti kutakabeko imbwele. Po ukwiza pakummanya ane ukuti ne Mwene uwa chisu chosi ichapasi.

Ukufuma 8:26

U Mozesi akamula akati, “Chitangaba chiza napo panandi pakuti ivyakwiyipa vivyo tukubika kwa Mwene u Chala witu vingaba vyamwiko pamaso paba Ijiputi. Nanti tukubika ivyakwiyipa vivyo vingaba vyamwiko pamaso paba Ijiputi, nkimba batangatusumba na mabwe?