Ubwandilo 46:3 - IBAYIBOLO 2024

³ Po akati, “Ane ne Chala, u Chala uwa ghuso, utakanyilaye pakubuka ku Ijiputi, pakuti kulakula nkwiza pakukupela pakuba we luko ulukulu nkani.

Ubwandilo 46:3 Iomraidhean Croise

Ubwandilo 12:2

Nkwiza pakukupa abaluko abinji nkani, sona nkwiza pakubapela pakuba luko ulwamaka nkani. Nkwiza pakukusaya nukukupela pakuba muntu umumanyikwe, ukwiza pakuba we lusayo ulwa bantu abanji.

Ubwandilo 15:1

Pisinda pa zinizi, u Mwene akamubonekela Abulamu muchisetuka. Akamubuzya akati, “Wee Abulamu utakanyilaye, ane ne ngulu yako. Umuvwalo wako ghukwiza pakuba mukulu nkani.”

Ubwandilo 15:13

Po u Mwene akamubuzya akati, “Naloli uzimanye ukuti abaluko lwako bakwiza pakuba bayeni muchisu chicho chite chabo. Kulakula bakwiza pakuba bazya, sona bakwiza pakuyiviwa amaka 400.

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

Ubwandilo 18:18

Abaluko lwache bakwiza pakuba luko ulukulu nkani, sona ulwamaka. Inko zyosi pachisu ichapasi nkwiza pakuzisaya ukwendela mumwache.

Ubwandilo 22:17

Naloliloli nkwiza pakukusaya nkani, sona nkwiza pakubapela abaluko lwako pakuba binji nkani ngati zyo ntondwa, sona ngati musesenga uwa mulubazu ulwa nyanja. Abaluko lwako bakwiza pakubapota abalwani babo bosi.

Ubwandilo 35:11

U Chala akamubuzya akati, “Ane ne Chala Uwamaka Ghosi. Papa abana abinji, sona inko izya bantu inyinji nkani bakwiza pakufuma mumwako, sona ukwiza pakuba we munyenya uwa bamwene.

Ubwandilo 47:27

Aba Izilayeli bakikala muchisu icha Ijiputi muchigaba icha Gosheni, mumo bakaba bakabi, sona bakapapa nkani abana.

Ubwandilo 48:16

Uwantumi yuyo akampoka ane kububibi bosi, abasaye abana babili banaba. Itabwa lyane ni tabwa ilya batata bane u Abulahamu nu Yisaki lyendelele pakubapo ukwendela mubana banaba. Bapapaye nkani, nukuba baluko ulukulu nkani.”

Ubwandilo 48:19

Loli uwise akakana akati, “Inzimenye mwana wane. Inzimenye ukuti abaluko ulwa Manase bope bulo bakwiza pakuba luko ulukulu nkani. Loli umuzuna wache akwiza pakuba mukulu nkani ukumuchila, sona abaluko lwache bakwiza pakuba lwa inko inyinji nkani.”

Ukufuma 1:12

Napapo aba Ijiputi bakababombezyanga nkani aba Izilayeli, loli aba Izilayeli bakabalagha nkani, sona bakasata posi na posi muchisu chosi,

Ukufuma 14:13

U Mozesi akabamula abantu bala akati, “Mutakanyilaye! Mwimaye bulo, ukuti ilelo mubwennye ubupoki ubwa Mwene. Aba Ijiputi babo mukubennya mutakwiza pakubennya sona.

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yelemiya 40:9

U Gedaliya umwana uwa Ahikamu, umwana uwa Shafani, akalapa ichilapo nukubasimikizya abantu bala ukuti, “Mutakanyilaye pakubabombela aba ku Babiloni. Mwikalane muchisu chinichi sona mumubombelaye u mwene uwamu Babiloni, po ivintu vyosi vikwiza pakubendelagha akiza.

Imbombo 27:24

nukumubuzya ukuti, ‘Wee Pabuli, utakanyilaye. Ubaghiye pakwimilila pamaso pa Kesale. U Chala muchisa chache kukwako itikizya ukuti abantu bosi babo uli nabo pabulendo babanje nubumi.’

Imbombo 7:17

“Bo akabalilo kakwana akakuti u Chala abombe zizyo akamulayizya u Abulahamu, abantu bitu mu Ijiputi bakabala nkani.

Ukukumbusya Amalamulo 1:10

U Mwene u Chala winyu abanyamizya nkani, umwakuti ilelo mwaba mwe binji ngati zyo ntondwa.

Ukukumbusya Amalamulo 10:22

Bo abanyenya binyu babuka ku Ijiputi, bosi bakabapo 70. Loli ilelo u Mwene u Chala winyu abapela amwe pakuba mwe binji ngati zyo ntondwa izya kumwanya.

Ukukumbusya Amalamulo 26:5

Po munenaye pamaso pa Mwene, u Chala winyu mutinji, “Umunyenya witu akaba mu Alamu uwakwendakwenda, yuyo akabuka ku Ijiputi na bamunyumba yache, babo bakaba banandi nkani nukwikala kulakula. Pisinda pache lukaba luko lukulu nu lwamaka, sona bakaba binji nkani.