Ubwandilo 45:3 - IBAYIBOLO 2024

³ Po u Yosefu akababuzya abawamwabo bala akati, “Ane ne Yosefu. Nkimba utata wane achili mumi?” Loli bo abawamwabo bivwa zinizi bakanyila nkani umwakuti batakamwamula.

Ubwandilo 45:3 Iomraidhean Croise

Ubwandilo 37:20

Zagha tumughoghe, umuvimba wache tughusumbile muchiliba, po tukwiza pakunena ukuti ichinyamana chamulema, po tukwiza pakwennye ukuti ichilota chache chikung'anamula ichoni.”

Ubwandilo 42:21

nukunenezannya benebene nukuti, “Naloli tukananga bo umuzuna witu akutulaba ukuti tumupelele ichisa, loli aswe tukakana. Cho chifukwa ilelo tuli muntamyo inkulu nkani.”

Ubwandilo 42:22

U Lubeni akati, “Nkimba intakababuzya ukuti mutakamuvulazye umwana uyu, loli mutakanteghelezya? Ennya ilelo tuli pakufundiwa pachifukwa icha libanda lyache.”

Ubwandilo 43:27

Akabalamukizya nukubalalusya ukuti, “Ughuso ali akiza, umuntu umughosi? Nkimba achili mumi?”

Yobu 23:15

Cho chifukwa nkutetema pamaso papache, po nanti ninong'ona vyosi vinivi, nkumunyila.

Yobu 4:5

Loli intamyo zyakuwila, po wawa amaka. Intamyo zyakwagha, ilelo wavulala mumoyo.

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Maliko 6:50

Bo bamwennya, bosi ubogha bukabalema nkani. Panapo na panapo u Yesu akababuzya akati, “Mutakatetemaye! Nene. Mutakanyilaye!”

Luka 5:8

Bo u Simoni Pitala ennya vivyo vikabombiwa, akafughama pamaso pa Yesu nukuti, “Wee Mwene, epako kukwane! Ane ne muntu wambibi!”

Imbombo 7:13

Pabulendo bwabo ubwabubili u Yosefu akilanjizya mwene ku bawamwabo, po u Falabo akamanya nizya mbumba iya Yosefu.

Imbombo 9:5

Akamulalusya akati, “Nkimba wewenu awe, Mwene?” Izyu lila likamula likati, “Nene Yesu, yuyo ukumuvwima.

Ubuvumbuli 1:7

Ennya, akwiza mu mabingu! Umuntu wesi akwiza pakumwennya, sona na bope bosi babo bakamulasa. Abantu abaluko losi muchisu ichapasi bakwiza pakulila pachifukwa icha yuyo. Umu momumo kukwiza pakubela. Ameni.