Ubwandilo 45:20 - IBAYIBOLO 2024

²⁰ Batakapasyanje pakumuleka ukatundu wabo kwisinda, pachifukwa ichakuti ichisu icha muvundo icha ku Ijiputi chikwiza pakuba chabo.”

Ubwandilo 45:20 Iomraidhean Croise

Ubwandilo 20:15

Akamubuzya u Abulahamu akati, “Ichisu chosi chicho ukuchennya ichi chane, ungikala posi papo ukulonda.”

Ubwandilo 45:18

Kamusende ughuso na bamunyumba zyabo, bize kuno. Nkwiza pakubapa ichisu icha muvundo nkani mu Ijiputi muno, sona bakwiza pakwilagha ivyakulya ivya muchisu ichi.

Ubwandilo 45:19

“Ubabuzye ukuti basende ingolo izya ku Ijiputi umwakuti abachi babo, na bana poka nu ghuso bakwelemo bo bakwiza kuno.

Ubwandilo 45:21

Abana aba Yakobo bakabomba vivyo bakabuziwa. U Yosefu akabapa ingolo ukuyana namumo u Falabo akalamulila, sona akabapa ichakulya icha pabulendo.

Ubwandilo 47:6

Ichisu icha Ijiputi chili munyobe zyinyu, mwikazye ughuso na bawamwinyu pabuzilo ubwiza nkani muchisu ichi, baleke bikalaye muchigaba icha Gosheni. Sona nanti abantu bamo pakasi pabawamwinyu bamenye pakudima ivitekwa babanje balaghili aba kwenelezya ivitekwa vyane.”

Ezila 9:12

Po abana babo abalumendo batakabanje bakwalima binyu sona abana binyu abalindu batakabanje balasagha babo. Mutakamanyanaye nabo nalumo, umwakuti ivintu vibendelaye akiza muchisu chilachila nukuti chibanje mpyana iya bana binyu bwila na bwila.’

Ukufuma 22:7

“Nanti umuntu akumusungisya umupalamani wache indalama pamo ukatundu, loli ukatundu yula ibite munyumba yache iya mupalamani, umwiba yula atanizyepo kabili, nanti bamulema.

Yesaya 1:19

Nanti mukulonda nukunyivwila, mukwiza pakulya ivyiza ivya muchisu ichi.

Yesaya 13:18

Ubwele bwabo bukwiza pakubaghogha abalumendo, batakwiza pakubapelelagha ichisa ababonda, pamo pakuba nichililizi na bana.

Ezekiyeli 20:17

Loli nkabapelela ichisa sona intakabanangannya pamo pakubamala munkolongo mula.

Ezekiyeli 7:4

Ntakwiza pakubapelela ichisa pamo ukubaleka bulo. Naloli nkwiza pakubatanizya, pachifukwa icha nkalo yinyu iya mwiko, yiyo mwabomba pakasi papinyu. Po mukwiza pakumanya ukuti ane ne Mwene.”

Ezekiyeli 7:9

Ntakwiza pakubapelela ichisa, pamo pakubaleka bulo. Nkwiza pakutanizya pachifukwa icha nkalo yinyu, sona ni mbombo zyinyu izya mwiko pakasi papinyu. Po mukwiza pakumanya ukuti, ane ne Mwene yuyo akughogha.

Ezekiyeli 9:5

Bo nkuteghelezya akababuzya abanji akati, “Mumukonke ukwendela mukaya akakulu nkani nukubaghogha abantu babo batakaba nichimanyilo, mutakabapelelaye ichisa pamo pakuba nabo ni chililizi.

Matayi 24:17

Umuntu yuyo ali pachisonje icha nyumba yache atakikaye nukusenda ivintu vyache munyumba.

Luka 17:31

“Pisiku linilyo umuntu yuyo ali pachisonje icha nyumba yache atakikaye nukusenda ivintu vyache munyumba. Umwakuyana bulo wepe umuntu yuyo ali mumughunda atakabwelaye kunyumba.

Ukukumbusya Amalamulo 19:13

Mutakamupelelaye ichisa. Mumwefyemo mu Izilayeli umughoghi yuyo akumughogha umuntu umusita nongwa, umwakuti ivintu vyosi vibendelaye akiza.

Ukukumbusya Amalamulo 19:21

Mutakamupelelaye ichisa. Ulufundo lwache lubanje lwakuti ubumi bulipile ubumi, ilyiso lilipile ilyiso, ilyino lilipile ilyino, inyobe yilipile inyobe, sona ulwayo lulipile ulyayo.

Ukukumbusya Amalamulo 7:16

Muzinangannye inko zyosi zizyo u Mwene u Chala winyu azibika munyobe zyinyu. Mutakabapelelaye ichisa, sona mutakabiputaye abachala babo, pakuti chinichi chikwiza pakuba chipingo.

Yoshwa 7:11

Aba Izilayeli babombite imbibi. Abene bakalunangannya ulufingo lulo nkabalamula ukuti balusunge. Bakasenda ivintu vimo ivipaghuliwa, bibite, sona batamanta nukuvifisa ivintu vinivi pakasi pavintu vyabo.

1 Samuweli 10:22

Po bakamubuzikizya u Mwene bakati, “Nkimba umuntu yunuyu iziteko kuno?” U Mwene akamula akati, “Eee, avwamite pakasi pakatundu.”

1 Samuweli 25:13

U Devedi akabalamula abantu bache bala akati, “Umuntu wesi apinyilile upanga wache.” Po umuntu wesi akapinyilila upanga wache, sona wepe u Devedi akapinyilila upanga wache. Pipipipi abantu 400 bakabuka poka nu Devedi, loli abantu 200 bakasyalikila pakusungilila ukatundu.

1 Samuweli 30:24

Nkimba wewenu yuyo angivwana ni fundo yiniyi? Pakuti abantu babo bakasungililagha ukatundu bapokelaye umwakuyana bulo na bantu babo bakabuka pakulwa ubwite.”