Ubwandilo 45:2 - IBAYIBOLO 2024

² Akakolomoka nkani umwakuti aba Ijiputi babo bakaba kuzi bakamwivwa, po ipangwi likabafika abamunyumba iya mwene u Falabo.

Ubwandilo 45:2 Iomraidhean Croise

Ubwandilo 42:24

Po u Yosefu akepapo pamaso papabo nukwanda pakulila. Bo ichitima chamala, akiza nukunena nabo. Akamusenda u Simiyoni nukumupinya pamaso papabo.

Ubwandilo 43:30

U Yosefu akepapo umwakusita kumanyikwa akiza pakuti akizula ni chitima. Akinjila muchipinda ichinji mumo akalililaghamo.

Ubwandilo 45:14

U Yosefu akamukumbatila umuzuna wache u Benjamini, nukulila. Wepe u Benjamini akamukumbatila nukulila.

Ubwandilo 45:15

Bo u Yosefu achili akulila, akabakumbatila abawamwabo bosi nukubafyofyonta. Po abawamwabo bala bakanda pakunenezannya nawe.

Ubwandilo 46:29

u Yosefu akakwela mungolo yache pakukomana nu wise u Yakobo ku Gosheni. Bo afika akamukukila, sona akalila akabalilo akatali nkani.

2 Abamwene 20:3

“Wee Mwene, ukumbuke mumo nendelagha pantazi papako umwabusubiliwa nu moyo uwakwiyipa sona nukubomba inyiza pantazi papako.” Po u Hezekiya akalila nkani.

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Ukubelengiwa 14:1

Po ubusiku bulabula abantu bosi bakakolomoka nkani nukulila busiku bosi.

Imbombo 20:37

Bosi bakalilagha bo bakumukukila nukumufyofyonta nukulaghana nawe.

Luti 1:9

U Mwene abasaye amwe ukuti wesi abanje ni nyumba iyache ni yache, sona nukuti amwaghe umulume uyunji.” Po u Nabomi akalaghana nabo pakubafyofyonta, loli bakanda pakulila nkani.