Ubwandilo 45:1 - IBAYIBOLO 2024

¹ Po u Yosefu akapotwa pakwilema pamaso pa bambombo bache bala, po akakolomoka akati, “Abantu bosi bafumemo muno.” U Yosefu atakalondagha ukuti umuntu yumo abemo bo akwilanjizya mulamula ku bawamwabo.

Ubwandilo 45:1 Iomraidhean Croise

Ubwandilo 42:24

Po u Yosefu akepapo pamaso papabo nukwanda pakulila. Bo ichitima chamala, akiza nukunena nabo. Akamusenda u Simiyoni nukumupinya pamaso papabo.

Ubwandilo 44:34

Nkimba ninganyokela bulibuli kukaya nanti umulumendo uyu asyala kuno? Nkunyila umukosi ghugho ghungamuwila utata wane.”

2 Samuweli 1:20

“Mutakazinenaye zinizi mu Gati, sona mutakazifumusyanje mumisebo mu Ashikeloni. Lumo abana abalindu aba ba Filisiti bangahoboka, lumo abana abalindu aba bantu babo batasilimuliwe bangasekela.

2 Samuweli 13:9

U Tamala akasenda ichakukazingila nukumupa ivibama vila, loli u Amunoni akakana pakulya. U Amunoni yula akati, “Ubabuzye abantu bosi bepemo muno.” Po abantu bosi bakepamo.

Yesaya 42:14

Ukwakabalilo akatali nkaba bulo myee, nkapuma bulo nukwikanizya nemwene. Loli ilelo, nkwiza pakukolomoka ngati mukolo yuyo ali pakusayiwa, nkulakilwa nukufuta umwakuyimba.

Yelemiya 20:9

Loli nanti nkunena nkuti, “Ntakwiza pakumutambula u Mwene, pamo pakulinena itabwa lyache,” pakuti izyu lyache lili mumoyo wane ngati moto, lili ngati moto ghugho ghukocha mumafupa ghane. Nalita pakulisunga mukasi, naloliloli ntangachibomba.

Zekaliya 12:10

“Po nkwiza pakubapungulila umoyo uwa chisa nuwa nyiputo pabanyumba iya Devedi sona napa bantu babo bakwikala mu Yelusalemu. Bakwiza pakumwenelezya umuntu yuyo bakamulasa, bakwiza pakumulila, ngati mumo umuntu akumulilila umwana wache mwene na mwene, sona akuba ni chitima nkani ngati mumo umuntu akubela ni chitima numwana wache ukatote.

Matayi 18:15

“Nanti umukamu wako akunangila, bukagha kukwache nukumulanjizya chicho ananga. Loli ubombaye izi kubusyefu, pakasi pa mwe babili. Nanti akwivwila, panapo wamunyosya umukamu wako.

Imbombo 10:41

Atakababonekela abantu bosi, loli abakaboni bene babo u Chala akabasala kale, kokuti aswe sweswe tukalya nukung'wela poka nawe bo azyuka kubufwe.

Imbombo 7:13

Pabulendo bwabo ubwabubili u Yosefu akilanjizya mwene ku bawamwabo, po u Falabo akamanya nizya mbumba iya Yosefu.

1 Aba Kolinti 13:5

Ulughano lute lwamadinko, pamo lwakwiyighana lwene, awe. Ulughano lutakukalala mwalwe, pamo ukusunga ububibi kusingo.