Ubwandilo 44:18 - IBAYIBOLO 2024

¹⁸ Po u Yuda akapalamila kwa Yosefu nukuti, “Mwene wane, ne mwana munandi nkani pamaso papako, nkukulaba ukuti inene nawe izyu lyoka mpela, sona utakankalalile, pakuti uli ngati bulo we mwene u Falabo.

Ubwandilo 44:18 Iomraidhean Croise

Ubwandilo 18:30

Po u Abulahamu akati, “Mwene, nalamba utakankalalilaye, loli unyitikizye inene. Buli nanti baghiwamo bulo abantu 30?” Po u Mwene akamula akati, “Ntangachibomba nanti nabaghamo bulo abantu abagholosu 30.”

Ubwandilo 18:32

U Abulahamu akati, “Mwene, nalamba utakankalalilaye, loli unyitikizye inene koka sona. Buli nanti abantu mukaya akakulu nkani kala baghiwamo abantu 10 bulo?” U Mwene akati, “Ntangakazimizya akaya akakulu nkani kala nanti nabaghamo bulo abantu 10.”

Ubwandilo 37:6

Akababuzya akati, “Mwebaya mwee, ivwa kuno, ichilota chicho nalotite:

Ubwandilo 37:7

Twebosi tukaba mumughunda twapinyagha inkose izya ngano. Bo tukuzipinya, inkose yane yikimilila, po inkose zyinyu zikaghuzyungulila, nukuyifughamilila inkose yane yila.”

Ubwandilo 37:8

Po abawamwabo bala bakamulalusya bakati, “Nkimba ukwinong'ona ukuti ukwiza pakuba we mwene witu? Pamo naloli ukwiza pakutulaghila aswe?” Bunubu bakamubenga nkani ukuchila napo pabwandilo pachifukwa icha chilota chache chila poka na mazyu ghagho akababuzya.

Ubwandilo 41:40

Ane nakusala awe ukuti ulaghilaye inyumba yane, sona abantu bane bosi bakwiza pakukwivwila. Loli ichintu chene chicho nkwiza pakukupota chakuti ne mwene.

Ubwandilo 41:44

Po U Falabo akamubuzya u Yosefu akati, “Napapo ne mwene, atalipo nayumoyumo umuntu muchisu icha Ijiputi uwakuti abombe ichintu chimo bo utamwitikizizye.”

Ubwandilo 44:17

Loli u Yosefu akabamula akati, “Awe, ane intangabomba bunubu! Umuntu mwene yuyo akaghiwa nu lubako weyuyo akwiza pakuba muzya wane, mwe banji, munyokele kwa ghuso mumutende.”

2 Samuweli 14:12

Po umukolo yula akati, “Wee mwene, nalamba unyitikizye ane ne wambombo wako ukuti inene izyu loka bulo.” U mwene yula akamwamula akati, “Nena.”

Esitele 1:12

Loli bo abambombo bala bamubuzya u Vashiti amazyu agha mwene, atakabukako. Po u mwene akakalala nkani, umwakuti ubukali bwache bukakagha mumoyo wache.

Yobu 33:31

Wee Yobu, tegha amakutu kuno, unteghelezye; banga bulo myee, umwakuti inenepo zimo.

Masalimo 79:5

Wee Mwene, nkimba ukwiza pakutukalalila mupaka liyi? Fwandi ubuzuba bwako bukwiza pakwaka ngati moto mupaka liyi?

Ukufuma 32:22

U Aloni akamwamula akati, “Utakankalalilaye. Awe uzimenye bulo namumo abantu banaba bakwilaghila pakubomba imbibi.”

Ivyili 19:12

Ubukali ubwa mwene buli ngati ko kubuluma ukwa nkalamu, loli ichisa chache chili ngati yo nganda pisote.

Daniyeli 3:15

Losi ulu nanti mwivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana, chingaba chiza nkani ukuti mufughamaye pasi pakuchiputa ichifwani chicho nkapanga. Loli nanti mutakuchiputa, mukwiza pakusumbiwa lubilolubilo mumoto uwa muvuno. Po nkimba chala wenu yuyo akwiza pakubapoka munyobe zyane?”

Daniyeli 5:19

Akaba mukulu nkani umwakuti, naba inko zyosi, nuluko losi sona na baneno zyosi bakamunyilagha nkani nukutetema pamaso papache. Nanti akalondagha pakumughogha umuntu yumo, naloli akamughogha. Nanti akalondagha pakumuleka mumi umuntu yumo, naloli akamulekagha mumi. Nanti akalondagha pakumukwezya umuntu yumo, naloli akamukwezyanga. Nanti akalondagha pakumukozya isoni umuntu yumo, naloli akamukozyanga isoni.

Yohani 5:22

Uwise atakumulonga nayumo umuntu, loli amupiye u Mwana ubulaghili bosi ubwakulongela,

Imbombo 2:29

“Mwee bakamu bane, imbaghiye imbabuzye pabuzelu izya munyenya witu u Mwene u Devedi. Akafwa nukusyiliwa, po ipumpa lyache lili kuno naswe mupaka pisiku ili.