Ubwandilo 44:16 - IBAYIBOLO 2024

¹⁶ Po u Yuda akamula akati, “Nkimba tunganena ichoni mwene? Nkimba tungaba na mazyu sona mwene? Pamo nkimba tungipoka bulibuli? U Chala abwagha ububibi bwitu. Po twebosi twaba bazya bako sona te mwene yuyo aghiwa nu lubako, awe.”

Ubwandilo 44:16 Iomraidhean Croise

Ubwandilo 37:7

Twebosi tukaba mumughunda twapinyagha inkose izya ngano. Bo tukuzipinya, inkose yane yikimilila, po inkose zyinyu zikaghuzyungulila, nukuyifughamilila inkose yane yila.”

Ubwandilo 37:9

Po u Yosefu akalota ichilota ichinji nukubabuzya abawamwabo ukuti, “Mwebaya mwee, ivwa kuno, ichilota ichinji, indotite ukuti izuba nu mwezi, sona ni ntondwa 11 zikunfughamilila.”

Ubwandilo 44:17

Loli u Yosefu akabamula akati, “Awe, ane intangabomba bunubu! Umuntu mwene yuyo akaghiwa nu lubako weyuyo akwiza pakuba muzya wane, mwe banji, munyokele kwa ghuso mumutende.”

Ubwandilo 44:32

Ichinji chakuti, nkafingana nu tata ukuti, ‘Nkwiza pakumusungilila akiza umulumendo uyu.’ Nkamubuzya ukuti, ‘Nanti intizite nu mulumendo uyu, po inongwa yikwiza pakuba yane mubumi bwane bosi.’

Ubwandilo 44:9

Nanti ulubako lungaghiwa nu muntu yumo uwa aswe, akwiza pakughoghiwa, sona aswe twebosi tukwiza pakuba twe bazya bako.”

1 Abamwene 17:18

Umukolo yula akamubuzya u Eliya akati, “Wee muntu uwa Chala, nkimba choni chicho wambombela bunubu? Fwandi wizite kuno pakunkumbusya imbibi zyane nukungoghela umwana wane?”

Ezila 9:10

“Wee Chala witu, nkimba tungati choni? Pakuti twaghasulannya amalamulo,

Ezila 9:15

Wee Mwene, u Chala uwa Izilayeli, we mugholusu. Watwitikizya ukuti ilelo tusyale bumi. Ennya tuli pamaso papako aswe twe bantu ababibi, napapo nayumoyumo pakasi papitu angimilila pamaso papako.”

Yobu 40:4

“Ane ntabaghiye, po nkimba ningakwamula bulibuli? Awe, nachimochimo, loli indemite bulo pamulomo wane.

Ivyili 17:15

Ukudumula umuntu uwa nongwa ukuti ate ninongwa, sona ukudumula yuyo ate ninongwa ukuti ali ninongwa, u Mwene avibengite vyosi vibili vinivi.

Ivyili 28:17

Umughoghi yuyo apalaghula inongwa iya bughoghi, akuvwamagha mupaka ubufwe bwache, sona atakabepo nayumoyumo umuntu uwakumwavwa.

Yesaya 27:9

Bunubu, po imbibi izya Izilayeli zikwiza pakuhobokeliwa, vinivi vikwiza pakuba vikomwa ivyakwefesezya imbibi, akwiza pakughatizannya amabwe ghosi agha vighemo pakuba lufumbi, ichighemo ichakwiputilapo ichifwani icha Ashela, pamo ichighemo ichakufukizizya utwa kununkila, vitakwiza pakubangapo sona.

Yesaya 5:3

Po ilelo umumanyani wane akuti, “Mwe bantu mwe mukwikala mu Yelusalemu na muchisu icha Yuda, mulonge pakasi pa ane nu mughunda wane uwa mampesya.

Daniyeli 9:7

“Wee Mwene, awe we mugholosu, loli ilelo tuli ni soni nkani. Abantu babo bakwikala muchisu icha Yuda, ni icha Yelusalemu sona na mu Izilayeli mosi, bosi aba papipi naba kubutali, sona na kuvyisu vyosi kuko ubanyapanizizye, pachifukwa ichakuti tute basubiliwa kukwako.

Ukubelengiwa 32:23

“Loli nanti mwapotwa pakubomba zinizi, kokuti mukwiza pakumunangila u Mwene, pakuti ukupuvya kwinyu kukwiza pakubakonka.

Matayi 7:2

Pakuti mumo mukubalongela abantu abanji, momumo u Chala akwiza pakubalongela. Ichipimilo chicho mukubombezya pabantu abanji, cho chicho u Chala akwiza pakubombezya papinyu.

Luka 12:2

Ichintu chosi chicho chivwinkiwe chikwiza pakuvwinkuliwa, sona ichintu chosi chicho chakubusyefu chikwiza pakuboneka pabuzelu.

Imbombo 2:37

Bo abantu bivwa zinizi, bakapalamasiwa mumoyo, po bakamulalusya u Pitala na batumiwa abanji bakati, “Bakamu bitu, nkimba tubombe choni?”

Ukukumbusya Amalamulo 25:1

Buli nanti abantu babili bakudalinkana, po bakubuka ku balongi, babo bakwiza pakudumula inongwa yila. Abalongi bala bakumunena ukuti weka ate ninongwa, nukumunena uyunji yula ukuti ali ninongwa.

Yoshwa 7:1

Loli aba Izilayeli bamo batakaba basubiliwa pazizyo u Mwene akabalamula ukuti batakasendepo nachimochimo chicho chibaghiye pakunanganika. U Akani umwana uwa Kalimi umwizukulu uwa Zabidi, umwana uwa Zela, yuyo akaba waluko ulwa Yuda akibapo vimo ivintu vila. Po u Mwene akabakalalila nkani aba Izilayeli.

Yoshwa 7:18

Pabumalilo abamunyumba iya Yoshwa bakiza pantazi umuntu wekaweka, po u Akani umwana Kalimi, umwizukulu uwa Zabidi, umwana uwa Zela uwa luko ulwa Yuda weyuyo akalemiwa.

Abalongi 1:7

Po u Adonibezeki akati, “Abamwene 70 babo bakadumuliwa abachisumwe aba munyobe naba munyayo bulo bakasebagha utubululusya pasi pitebulo lyane. Ilelo u Chala antanizya pa zizyo nkababombela abantu balabala.” Bakamusenda nukubuka nawe ku Yelusalemu, po akafwila kulakula.