Ubwandilo 44:13 - IBAYIBOLO 2024

¹³ Po abawamwabo bala bakazepulannya amenda ghabo, pachifukwa ichakuti ichitima chikabalema, umuntu wesi akakwezya ukatundu wache pampunda nukunyokela kukaya akakulu nkani.

Ubwandilo 44:13 Iomraidhean Croise

Ubwandilo 44:4

Loli bo benda bulo panandi, ukwepamo mukaya akakulu nkani u Yosefu akamubuzya uwambombo wache usongo akati, “Bachimbilile abantu bala nukubimika, sona ubalalusye ukuti, ‘Nkimba choni chicho mwatanizya ichibibi pa chintu ichiza?

2 Samuweli 1:11

U Devedi akazepulannya amenda ghache pachifukwa icha chitima, sona bope abantu bache bakabomba bunubu.

2 Samuweli 1:2

Pisiku ilyabutatu umulumendo yumo akafuma kuvisakasa ivya Sabuli, bo avwalite amenda amazepunkane, sona akikupulila ulufumbi pamutu pachifukwa icha chitima. Umulumendo yula akafika kwa Devedi, po akisumba pasi munyayo zyache nukumuchindika.

2 Samuweli 13:19

U Tamala akinyafila itoyi kumutu nukuzepula inkazo yache pachifukwa icha chitima. Akalema inyobe zyache kunkonto nukubuka, bo akulila nkani.

2 Abamwene 11:14

Bo atalankannya akamwennya u mwene imiliye papipi ni mpanda ukuyana nu lwiho lwabo. Pakabalilo kalakala abasongo aba balindilili, na bantu abakulizya amapati bakimilila papipi nu mwene, sona abantu bosi aba muchisu chila bakasekelelagha nukulizya amapati. Po u Ataliya akazepula inkazo yache pachifukwa icha kukalala nukukolomoka ukuti, “Bansambukiye! Bansambukiye!”

Ukubelengiwa 14:6

U Yoshwa umwana uwa Nuni nu Kalebu umwana uwa Yefune, babo bakaba bamo aba mukabukatila aka batendezi, bakazepula amenda ghabo pachifukwa icha chitima.