Ubwandilo 44:1 - IBAYIBOLO 2024

¹ U Yosefu akamulamula usongo uwa bambombo abamunyumba yache akati, “Bizukizye amasaka abantu ni vyakulya ivyinji, mumasaka ghabo ukuyana na maka ghabo sona ubikemo indalama pamwanya pisaka ilya muntu wesi.

Ubwandilo 44:1 Iomraidhean Croise

Ubwandilo 24:2

Isiku limo u Abulahamu akamubuzya uwambombo wache usongo uwakwenelezya ivintu vyosi akati, “Bika inyobe yako muntende muntapatapa zyane.

Ubwandilo 42:25

U Yosefu akabalamula abambombo bache ukuti babasotele abawamwabo ivyakulya mumasaka ghagho, nukubikamo indalama mwisaka ilya muntu wesi, sona akabapa impayo. Abambombo bala bakazibomba zyosi zinizi.

Ubwandilo 42:35

Bo bali pakusatula amasaka ghabo, umuntu wesi akayagha inyambi iya ndalama mwisaka lyache. Bo bennya indalama zila, babo nu wise u Yakobo, ubogha bukabalema nkani.

Ubwandilo 43:16

Bo u Yosefu amwennya u Benjamini ali poka nabo, akamubuzya usongo uwa bambombo wache akati, “Bukagha na bantu banaba kunyumba yane. Ughoghe inyama nukupiya akiza nkani, pachifukwa ichakuti abantu banaba bakwiza pakulya nane ichakulya icha pamusanya.”

Ubwandilo 43:19

Po bakabuka kwa songo uwa bambombo aba Yosefu munyumba yila nukunena nawe pamulyango,

Ubwandilo 43:2

Bo abamunyumba iya Yakobo bennya ivyakulya vivyo bakafuma navyo kuchisu icha Ijiputi vyamala, u Yakobo akababuzya abana bache akati, “Bukagha pakughula ivyinji panandi.”

Ubwandilo 44:2

Bika ulubako lwane, ulwa siliva pamwanya pisaka ilya muzuna wabo, poka ni ndalama zyache izyakughulila ivyakulya.” Po akabomba vivyo u Yosefu akamubuzya.

Yesaya 3:1

Losi ulu u Mwene, u Mwene Uwamaka Ghosi ali papipi pakwefyamo mu Yelusalemu na mu Yuda, ivintu vyosi vivyo abantu bavisubiye. Akwiza pakwefyamo ivyakulya na mizi,