Ubwandilo 43:9 - IBAYIBOLO 2024

⁹ Ane nkwiza pakuba chikole icha bumi ubwa Benjamini. Nanti ntakunyokela nawe mumi, po inongwa yosi yibanje pamutu papane bwila na bwila.

Ubwandilo 43:9 Iomraidhean Croise

Ubwandilo 31:39

Nanti ing'ozi yako yalika, ane nkabikilaghapo akabalilo kosi. Intakiza nayo kukwako ukulanjizya ukuti ntanangitepo. Awe ukalondagha ukuti nkulipile chosi chicho chibiwa pamusanya pamo pabusiku.

Ubwandilo 42:37

U Lubeni akamubuzya uwise akati, “Nanti ntakwiza nawe u Benjamini, ubaghoghe abana bane babili aba. Umubike munyobe zyane, po nkwiza pakumunyosekezya.”

Ubwandilo 43:10

Nanti tutakabagha ngali twanyokezannya kabili kosi.”

Ubwandilo 9:5

Nanti umuntu akumughogha umuntu uwamwabo, wepe akwiza pakufundiwa. Nanti ichinyamana chikumughogha umuntu, chope chikwiza pakughoghiwa. Umuntu wesi yuyo akumughogha umuntu uwamwabo, wepe aghoghiwanje.

2 Samuweli 14:9

Umukolo uwamu Tekowa yula akamubuzya u mwene akati, “Wee mwene wane, leka inongwa yiniyi yibanje papane, na bamunyumba iya tata. Loli awe we mwene, poka na bamunyumba yako mubanje mwe basita nongwa.”

1 Abamwene 1:21

Nanti awe we mwene watuleka, nkimba ane poka nu mwana wane u Solomoni tukwiza pakupimiwa ngati twe bantu abakusambuka?”

Yobu 17:3

Wee Chala, ubanje we chikole chane. Nkimba wewenu yuyo angazighilila?

Masalimo 119:122

Layizya ukuti ukwiza pakumwavwa umubombi wako, utakitikizye ukuti abantu ababibi bala bamuyivye.

Ezekiyeli 3:18

Nanti nkumubuzya umuntu umubibi ukuti, ‘Naloli ukwiza pakufwa,’ po waleka pakumusoka pamo ukumubuzya ukuti aleke izila zyache imbibi umwakuti abupoke ubumi bwache, umubibi yula akwiza pakufwila mumbibi zyache, po ukwiza pakuba ninongwa pachifukwa icha bufwe bwache.

Ezekiyeli 3:20

“Sona nanti umugholosu akubuleka ubugholosu bwache nukubomba ububibi, nkwiza pakubika ichizinka pantazi papache, po akwiza pakufwa. Pachifukwa ichakuti utakamusoka akwiza pakufwa pachifukwa icha mbibi zyache. Imbombo ingolosu zizyo akabomba zitakwiza pakukumbukiwa, po awe ukwiza pakuba ninongwa pachifukwa icha bufwe bwache.

Ezekiyeli 33:6

Nanti umulindilili ennya ubwite bukwiza sona atakulizya ipati pakubasoka abantu, po umulwani akwiza nukumughogha umuntu yumo, napapo afwile mumbibi zyache, ane nkwiza pakumulonga umulindilili yula pachifukwa icha imfwa iya muntu yula.’

Ezekiyeli 33:8

Nanti nkumubuzya umuntu umubibi ukuti, ‘We muntu umubibi naloli ukwiza pakufwa,’ po waleka pakumusoka umubibi yula ukuti anyokeko kububibi bwache, umubibi yula akwiza pakufwila mumbibi zyache, po ukwiza pakuba ninongwa pachifukwa icha bufwe bwache.

Luka 11:50

Po abantu abankulilo iyi bakwiza pakufundiwa, pachifukwa icha kughoghiwa ukwa balaghuzi bosi, babo bakaghoghiwa ukwandila pakabalilo kako ichisu ichapasi chikapeliwa,

Aba Hebeli 7:22

Pachifukwa icha chilapo chinichi, u Yesu aba lusimikizyo ulwa lufingo ulwizapo.