Ubwandilo 43:34 - IBAYIBOLO 2024

³⁴ U Yosefu akabalamula abambombo bache ukuti bamusendele umuntu wesi ichakulya pitebulo lyache, loli ichakulya icha Benjamini chikaba ka fayivi ubukulu ukuchila abamwabo. Po bakalya nukung'wela poka nu Yosefu umwakuhoboka nkani nawe.

Ubwandilo 43:34 Iomraidhean Croise

Ubwandilo 35:24

Abana aba Lakelo bo aba: U Yosefu nu Benjamini.

Ubwandilo 45:22

Akamupa umuntu wesi amenda amapya, loli u Benjamini akamupa isalabazya 300 izya siliva na menda fayivi.

2 Samuweli 11:8

U Devedi akamubuzya u Uliya akati, “Bukagha kunyumba, pakutuzya.” Po u Uliya yula akepako kunyumba iya bumwene yila, sona u mwene akamutumila u Uliya ichabupi.

Ivyili 31:6

Umupanje ubwalwa umuntu yuyo ali pakuzililika, sona uvinyo umuntu yuyo ali muntamyo.

Umulumbilili 10:19

Ulusekelo lukubahobosyanga bulo abantu, sona uvinyo akubasangalusyanga, Loli indalama lyo lyamulo ilya vintu vyosi.

Umulumbilili 9:7

Lyanga ichakulya chako nukusekela, sona ng'welagha uvinyo wako nu buhobosu, pakuti u Chala ahobokite ni mbombo zyako.

Inyimbo izya Solomoni 5:1

Wee wapamoyo wane, sona mughaniwa wane, ninjila mumughunda wane. Indi pakwilagha amafuta agha mule, poka nu twakufukizya utwakununkila utunji. Nkulya ichitenga poka nu buchi bwache, sona nkung'wela uvinyo wane poka nu lukama lwane. Mwee bamanyani bane, lyanga, ng'welagha mupaka papo mwikuta, mwee baghaniwa bane.

Habakuku 1:6

Teghelezya nkwiza pakubapela abantu aba mu Babiloni, pakuba na maka ukubachila, luko ulukali sona nulwa lubilo nkani. Bakwiza pakuvipota ivyisu vyosi ivyapasi, pakuvifyula ivyisu vivyo vite vyabo.

Matayi 11:19

U Mwana uwa Muntu akiza, akalya nukung'wela, po abantu bakati, ‘Ennya, umuntu umupafu nu ching'wela uyu, sona umumanyani uwa basonkezya umusonko na bantu abambibi!’ Loli amahala agha Chala ghakulanjiziwa ukuti ghanaloli ni mbombo zyache.”

Yohani 2:10

nukumubuzya ukuti, “Umuntu wesi pakwanda akubapa abantu uvinyo umwiza, po nanti abantu bikuta, akubapa uvinyo umubibi. Loli awe wafisite uvinyo umwiza mupaka ulu.”

1 Samuweli 1:5

U Elikana akamugabilagha u Hana inyama inyinji nkani, pachifukwa ichakuti akamughana nkani, napapo u Mwene akamupela pakuba mughumba.