Ubwandilo 43:30 - IBAYIBOLO 2024

³⁰ U Yosefu akepapo umwakusita kumanyikwa akiza pakuti akizula ni chitima. Akinjila muchipinda ichinji mumo akalililaghamo.

Ubwandilo 43:30 Iomraidhean Croise

Ubwandilo 42:24

Po u Yosefu akepapo pamaso papabo nukwanda pakulila. Bo ichitima chamala, akiza nukunena nabo. Akamusenda u Simiyoni nukumupinya pamaso papabo.

Ubwandilo 45:2

Akakolomoka nkani umwakuti aba Ijiputi babo bakaba kuzi bakamwivwa, po ipangwi likabafika abamunyumba iya mwene u Falabo.

Ubwandilo 46:29

u Yosefu akakwela mungolo yache pakukomana nu wise u Yakobo ku Gosheni. Bo afika akamukukila, sona akalila akabalilo akatali nkani.

1 Abamwene 3:26

Umukolo yuyo akaba we nyina uwa mwana umumi yula akaba ni chililizi nkani nu mwana wache, po akamubuzya u mwene akati, “Wee mwene, nalamba umupe uwamwitu umwana umumi uyu. Utakamughoghe!” Umukolo uyunji yula akati, “Awe, utakampe ane pamo uwamwitu umwana uyu. Loli umudumule bulo pakasi na pakasi!”

Yelemiya 31:20

Nkimba u Efulayimu te mwana wane umulumendo umughaniwa, nkimba te mwana wane uwa pamoyo? Napapo nkumunena ububibi kabilikabili, loli pope bulo nkumukumbuka. Polelo umoyo wane ghukumusamba, sona nkuba nawe nichililizi ichikulu. Ane ne Mwene nanena.

Hoseya 11:8

Wee, Izilayeli ningakuluvya bulibuli? Nkimba ningakupa bulibuli u Efulayimu? Nukukuleka we Izilayeli nkimba ningakupa bulibuli ngati we Adima? Nukukubombela ngati we Zeboyimu? U moyo wane wanduka, sona chope ichililizi chandema nkani.

Imbombo 20:19

Nu kwiyisya kwane kosi, sona na masozi nkamubombela u Mwene napapo nkayimba nkani ni njelo izya ba Yuda.

Imbombo 20:31

Po mubanje maso! Mukumbukaye ukuti pamaka matatu, umusanya nu busiku intakalekapo nalumolumo pakubamanyisya mwebosi na masozi.

Imbombo 20:37

Bosi bakalilagha bo bakumukukila nukumufyofyonta nukulaghana nawe.

Aba Filipi 1:8

U Chala we kaboni wane ukuti nkunena ubwanaloli, bo nkunena ukuti nkubasamba nkani, sona we kaboni wane ukuti imbaghanite nkani ukuyana namumo u Kilisitu u Yesu abaghaniye.

Aba Filipi 2:1

Umwakusita ukwilamwa, ubumi bwinyu mwa Kilisitu bukubapa amaka, sona ulughano lwache lukubakazya nukwefya ubogha. Mukuba bamoyo ghoka mu Muzimu Umuzelu, sona mukupelelana ichisa nukupazikizannya.

Aba Kolosi 3:12

Pakuti mukasaliwa nu Chala ukuti mubanje mwe bantu abache na bache, sona nukuti umwene abaghanite. Mubanje mwe balupazikizyo, na bachisa, na bakwiyisya, na bololo, sona na bafisalyoyo.

2 Timoti 1:4

Bo nkukumbuka amasozi ghako, nkukusamba ukuti nkwennye, umwakuti imbanje ne muhobosu nkani.

1 Yohani 3:17

Nanti umuntu yumo umukabi akumwennya umuntu uyunji yuyo mupina loli atakumupelela ichisa, nkimba umuntu yunuyu anganena bulibuli ukuti amughanite u Chala?