Ubwandilo 43:29 - IBAYIBOLO 2024

²⁹ Po akatalankannya nukumwennya uwamwabo u Benjamini, umwana uwa nyina nukulalusya ukuti, “Nkimba uyu weyuyo muzuna winyu umunandi nkani, yuyo mukambuzya? Mwana wane, u Chala abanje ni chisa papako!”

Ubwandilo 43:29 Iomraidhean Croise

Ubwandilo 35:24

Abana aba Lakelo bo aba: U Yosefu nu Benjamini.

Ubwandilo 42:11

Twebosi twe banamuntu, sona tute bantu abatendezi, loli twe bantu abasubiliwa.”

Ubwandilo 42:13

Bakamwamula u Yosefu bakati, “Aswe twe babombi bako, tukabapo twe banamuntu 12, abana aba tata weka muchisu chitu icha Kenani. Umunandi nkani munyumba yitu ali nu tata witu, loli uwamwitu yumo afuye.”

Ubwandilo 44:21

“Po ukatubuzya twe bambombo bako ukati, ‘Zagha nawe kukwane, ukuti ningamwennya.’

Ubwandilo 45:8

“Po te mwemwe mukantuma kuno, loli we Chala. Sona ampela ane pakuba likambala ikulu ilya Falabo, sona nukuba we kapitawa uwa katundu wache wesi uwa munyumba yache, sona umulaghili uwa chisu chosi icha Ijiputi.

2 Imbili 29:11

Mwee bamanyani bane, mutakakabaye, pakuti u Mwene abasala amwe ukuti mwimaye pamaso papache nukumubombela sona mufukizyanje utwakununkila.”

Masalimo 111:4

U Mwene atakulonda ukuti tuluvyanje imbombo zyache izyakuswighisya. U Mwene wachisa sona wachililizi.

Masalimo 112:4

Napapo mungaba mo muchisi ulukozyo lukumwizila, pachifukwa ichakuti wachisa, wachililizi sona nu mugholosu.

Masalimo 67:1

U Chala atupelelaye ichisa nukutusaya, sona icheni chache chitulamiye.

Yesaya 30:19

Mwee bantu aba mu Ziyoni, mwe mukwikala mu Yelusalemu, mutakwiza pakulila sona. Naloli u Mwene akwiza pakuba ni chisa namwe pakwivwa ukulila kwinyu ukuti abavwe! Bo ivwa bulo umwalubilolubilo akwiza pakubamula.

Yesaya 33:2

Wee Mwene, utupelele ichisa, tukusubiye wewe, ubanje we maka ghitu indabindabi yosi, sona nu bupoki pakabalilo akantamyo.

Malaki 1:9

“Ilelo mwe baputi mumulambilizye u Chala ukuti abapelele ichisa, nanti mukubika ivyakwiyipa vinivi, nkimba angachipokela?

Ukubelengiwa 6:25

Icheni icha Mwene chibalamilaye, sona abapelelaye ichisa.

Matayi 9:2

kuko abantu bamo bakiza nu muntu umulemazu, bo alambalaye pachibonde. Bo u Yesu ennya ulwitiko lwabo, akamubuzya umuntu umulemazu yula akati, “Wee mwana wane, jimba umoyo! Imbibi zyako zyahobokeliwa.”

Matayi 9:22

U Yesu akaghalabuka nukumwennya umukolo yula nukuti, “Wee mwana wane, jimba umoyo! Ulwitiko lwako lwakupozya.” Panapo na panapo umukolo yula akapola.

Maliko 10:24

Amazyu agha ghakabaswighisya nkani abamanyili, loli u Yesu akanena sona akati, “Naloli bana bane, chipala nkani pakwinjila mu Bumwene ubwa Chala!

1 Timoti 1:2

Nkukusimbila awe Timoti we mwana wane umwenecho mulwitiko. Ichisa nu mutende ivya kwa Chala u Tata, sona nu Kilisitu u Yesu u Mwene witu vibanje nawe.

Aba Hebeli 13:1

Endelela pakughanana pakuti mwe bakamu.

Yoshwa 7:19

Po u Yoshwa akamubuzya u Akani akati, “Wee mwana wane, umuchindike u Mwene u Chala uwa Izilayeli, sona umupale. Losi ulu umbuzye zizyo wabomba. Utakanvinde.”