Ubwandilo 42:38 - IBAYIBOLO 2024

³⁸ Loli u Yakobo akamwamula akati, “Umwana wane atangabuka namwe, pachifukwa ichakuti umukulu wache afuye, ennya asyalite mwene. Buli nanti ichintu ichibibi chamubonekela muzila, po nkwiza pakubalilila mwenemwe nivwi zyane izi mupaka bo bufwe bwane.”

Ubwandilo 42:38 Iomraidhean Croise

Ubwandilo 37:33

U Yakobo akayimanya inkazo yila nukuti, “Naloli inkazo iyi ya mwana wane, ichinyamana chamulya. Naloliloli u Yosefu akavuliwa.”

Ubwandilo 37:34

Po u Yakobo akazepulannya amenda ghache, akavwala amasaka nukulila ubufwe ubwa mwana wache amasiku aminji.

Ubwandilo 37:35

Abana bache bosi abanavuli na bakolo bakiza pakumupumizya. Loli akakana pakupumiziwa, nukuti, “Awe, nkwiza pakulila mupaka kwipumpa kuko ali.” Po uwise akendelela pakumulila umwana wache u Yosefu.

Ubwandilo 42:13

Bakamwamula u Yosefu bakati, “Aswe twe babombi bako, tukabapo twe banamuntu 12, abana aba tata weka muchisu chitu icha Kenani. Umunandi nkani munyumba yitu ali nu tata witu, loli uwamwitu yumo afuye.”

Ubwandilo 42:37

U Lubeni akamubuzya uwise akati, “Nanti ntakwiza nawe u Benjamini, ubaghoghe abana bane babili aba. Umubike munyobe zyane, po nkwiza pakumunyosekezya.”

Ubwandilo 42:4

Loli u Yakobo atakamutuma u Benjamini, umuzuna uwa Yosefu poka na bawamwabo pachifukwa akanyilagha ukuti chimo ichibibi chingamubonekela.

Ubwandilo 43:13

Mumusende nu muzuna winyu, po munyamuke pakubuka sona ku muntu yula.

Ubwandilo 44:20

Po aswe tukakwamula ukuti, ‘Naloli tuli nu tata yuyo muntu mughosi, sona mubughosi bwache apapite umwana umulumendo umwana yuyo akapapiwa bo muntu mughosi kale. Uwamwabo uwa mulumendo uyu akafwa, po weyuyo mwene asyalite mumi pa bana bosi aba nyina sona uwise amughanite nkani.’

Ubwandilo 44:22

Po tukamubuzya u mwene tukati, ‘Umulumendo atangamuleka uwise, pakuti nanti angamuleka, uwise yula angafwa.’

1 Abamwene 2:6

Umubombele ukuyana na mahala ghako, loli utakamuleke ukuti mupaka aghosipe nukufwa ngati mumo abantu bosi bakufwilagha.

Yobu 41:32

Mumo yenda mukuba umuzeli uwa mizi agha kumekuka; yumo anginong'ona ukuti inyanja yaba nivwi.

Masalimo 71:18

Wee Chala, napapo ne mughosi sona ivwi zyawa, utakandekaye nemwene. Po nkwiza pakulumbilila nizyamaka ghako mupaka inkulilo iya muntazi, sona nizyamaka ghako ku bosi babo bakwiza pakupapiwa muntazi.

Masalimo 90:10

Ubwinji ubwa masiku ghitu ghali 70 pamo 80 nanti tuli na maka, loli ubumi ubwa muntu buli nintamyo zyene sona ni chitima, vikumala lubilolubilo nkani, po twebosi tukubuka.

Umulumbilili 1:14

Navyennya ivintu vyosi vivyo vikubombiwa pachisu ichapasi ukuti vyosi vite ni mbombo, sona ko kwitamya bulo.

Umulumbilili 2:26

Umuntu yuyo u Chala ahobokite nawe, akumupa amahala nu bumanyi sona nu buhobosu. Loli umuntu uwa mbibi akumupa imbombo iyakubungannya ubukabi nukumusungila umuntu yuyo u Chala ahobokite nawe. Vyope vinivi vite ni mbombo nayimoyimo, ko kuyimba bulo.

Yesaya 38:10

Nkati, “Mukasikasi mubumi bwane, nkimba imbaghiye pakwinjila kubuzilo ubwa bufwe? Nkimba ningikala mwipumpa amaka ghane ghosi?”

Yesaya 46:4

Napapo mughosipe, nene nkwiza pakubasungilila. Ane nabapela nkwiza pakubavwa, nkwiza pakuba namwe nukubapoka.