Ubwandilo 42:36 - IBAYIBOLO 2024

³⁶ Po uwise u Yakobo akababuzya akati, “Nkimba mukulonda ukuti mundeke ne musita mwana nayumoyumo. U Yosefu akabuka, wepe nu Simiyoni abukite, polelo mukulonda pakubuka sona nu Benjamini. Intamyo zyosi zinizi zikungwila nene?”

Ubwandilo 42:36 Iomraidhean Croise

Ubwandilo 42:37

U Lubeni akamubuzya uwise akati, “Nanti ntakwiza nawe u Benjamini, ubaghoghe abana bane babili aba. Umubike munyobe zyane, po nkwiza pakumunyosekezya.”

Ubwandilo 43:14

U Chala Uwamaka Ghosi abapelele ichisa pamaso pa muntu yula, umwakuti abitikizye pakwiza nu Benjamini poka nu Simiyoni. Nanti chisimbiwe ukuti abana bane imbataghe bunubu, awe, chibombiwanje.”

Ubwandilo 44:12

Uwambombo uwa Yosefu akandila pakulondelezya mwisaka ilya songo nukumalila mulya munandi, po ulubako lukaghiwa mwisaka ilya Benjamini.

Ubwandilo 45:28

U Yakobo akati, “Umwana wane u Yosefu achili mumi! Nkwiza pakubuka ukuti imwennye, bo inchili intafuye.”

Ubwandilo 47:12

U Yosefu akamupa uwise ichakulya, na bawamwabo, sona na bosi babo bakikalagha munyumba iya wise, ukuyana nu bwinji ubwa bantu.

Yobu 7:7

“Wee Chala, kumbuka ukuti ubumi bwane buli ngati muyi bulo; amaso ghane ghatakwiza pakwennya sona ivyiza.”

Masalimo 34:19

Umugholosu angaba nintamyo inyinji nkani, loli u Mwene akumupoka muntamyo zyosi zinizi.

Umulumbilili 7:8

Ubumalilo ubwa chintu chimo bwizapo ukuchila ubwandilo bwache, ubufisalyoyo bwizapo ukuchila amituvyo.

Yesaya 27:9

Bunubu, po imbibi izya Izilayeli zikwiza pakuhobokeliwa, vinivi vikwiza pakuba vikomwa ivyakwefesezya imbibi, akwiza pakughatizannya amabwe ghosi agha vighemo pakuba lufumbi, ichighemo ichakwiputilapo ichifwani icha Ashela, pamo ichighemo ichakufukizizya utwa kununkila, vitakwiza pakubangapo sona.

Yesaya 38:10

Nkati, “Mukasikasi mubumi bwane, nkimba imbaghiye pakwinjila kubuzilo ubwa bufwe? Nkimba ningikala mwipumpa amaka ghane ghosi?”

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yelemiya 31:15

U Mwene akuti, “Izyu likwivwika mu Lama, ukulila nukufwifwitila ukukulu. U Lakelo akubalila abana bache, sona akukana pakusangalusiwa, pachifukwa ichakuti abana bache bate ku bumi sona.”

Matayi 14:31

Umwalubilolubilo u Yesu akagholosya inyobe yache nukumulema nukuti, “Awe we walwitiko ulunandi! Nkimba choni chicho ukilamwa?”

Aba Loma 8:28

Tuzimenye ukuti ivintu vyosi vikubendela akiza abantu babo bamughanite u Chala, babo bitiziwa ukuyana nu bwighane bwache.

Aba Loma 8:31

Muvyosi vinivi, po nkimba tungati choni? Nanti u Chala ali kulubazu lwitu, wewenu angatususya?

1 Aba Kolinti 10:13

Injelo zizyo amwe mwakomana nazyo zyo zizyo abantu abanji bosi bakukomana nazyo. U Chala musubiliwa, umwakuti atakwiza pakwitikizya ukuti muyeliwe ukuchila amaka ghinyu, awe. Loli bo mukuyeliwa, umwenecho akwiza pakubayanizya izila iyakuponelamo, umwakuti mungajimba.

2 Aba Kolinti 4:17

Pakuti amayimba ghitu manandi, sona ghakabalilo akanandi, ghali pakutuyanizizya aswe ubuchindamu ubukulu ubwakuchilapo, sona nubwa bwila na bwila.

1 Samuweli 27:1

U Devedi akanena mwene akati, “Isiku limo u Sabuli akwiza pakungogha. Chingaba chizapo ukuti insamalile kuchisu icha ba Filisiti. U Sabuli atakwiza pakundondelezya mu Izilayeli muno, po nkwiza pakupona.”