Ubwandilo 42:22 - IBAYIBOLO 2024

²² U Lubeni akati, “Nkimba intakababuzya ukuti mutakamuvulazye umwana uyu, loli mutakanteghelezya? Ennya ilelo tuli pakufundiwa pachifukwa icha libanda lyache.”

Ubwandilo 42:22 Iomraidhean Croise

Ubwandilo 4:10

Po u Mwene akamulalusya sona u Kayini akati, “Nkimba choni chicho wabomba ichintu ichakoghofya ichi? Ibanda ilya muzuna wako likundilila mwitope.

Ubwandilo 42:23

Loli batakazimanya ukuti u Yosefu akivwanga zizyo bakanenezannya, pakuti bakanenagha nawe ukwendela mumusanusi.

Ubwandilo 45:3

Po u Yosefu akababuzya abawamwabo bala akati, “Ane ne Yosefu. Nkimba utata wane achili mumi?” Loli bo abawamwabo bivwa zinizi bakanyila nkani umwakuti batakamwamula.

Ubwandilo 50:15

Bo abakamu aba Yosefu bennya ukuti uwise afwa bakati, “Nkimba buli nanti u Yosefu anda pakutubenga nukubatika pakutanizya pabubibi bubo tukamubombela?”

1 Abamwene 2:32

U Mwene akwiza pakumutanizya pachifukwa ichakubaghogha abantu babili bala, babo bakaba bantu abagholosu ukumuchila yuyo, ukusita utata wane u Devedi ukuzimanya. Abantu babili banaba bo aba: U Abinala umwana uwa Neli, usongo uwa basilikali aba Izilayeli, sona nu Amasa umwana uwa Yeteli, usongo uwa basilikali aba Yuda.

1 Abamwene 2:33

Inongwa iya kughoghiwa kwabo yibanje pamutu uwa Yowabu, poka na baluko lwache losi bwila na bwila. Loli umutende uwa Mwene ghubanje pa Devedi na baluko lwache, sona poka na bamunyumba yache, na pachitengo chache icha bumwene bwila na bwila.”

2 Imbili 24:22

U mwene u Yowashi atakachikumbuka nalumo ichisa chicho uwise u Zekaliya akamubombela, loli akamughogha umwana wache. Bo u Zekaliya akufuta ilyabumalilo akati, “U Mwene ennyanje zizyo ukubomba sona akufunde.”

Masalimo 9:12

Yuyo akutanizya abaghoghi akubakumbukagha abafwe, sona atakuluvyanga ukulila ukwa babo bali mumayimba.

Ezekiyeli 3:18

Nanti nkumubuzya umuntu umubibi ukuti, ‘Naloli ukwiza pakufwa,’ po waleka pakumusoka pamo ukumubuzya ukuti aleke izila zyache imbibi umwakuti abupoke ubumi bwache, umubibi yula akwiza pakufwila mumbibi zyache, po ukwiza pakuba ninongwa pachifukwa icha bufwe bwache.

Luka 23:41

Aswe zitubaghiye ukuti tufundiwe ukuyana na zizyo twabombite; loli umwene atabombite nachimochimo ichibibi.”

Imbombo 28:4

Abantu bala bakayennya injoka yikwelela kunyobe iya Pabuli nukwanda pakunenezannya ukuti, “Naloli umuntu uyu livyondongo. Napapo akapona panyanja, loli u Chala wanaloli atakitikizya ukuti abanje nubumi.”

Aba Loma 2:15

Inkalo yabo yikulanjizya ukuti zizyo Indaghilo zikunena zisimbiwe mumoyo ghabo. Umabyebye wabo akusimikizya ukuti izi zyanaloli pakuti inyinong'ono zyabo zikubasusya pamo ukubimila.

Ubuvumbuli 13:10

Umuntu wesi yuyo abaghiye pakuba muzya naloli akwiza pakuba muzya. Umuntu wesi yuyo abaghiye pakuboliwa nupanga, akwiza pakuboliwa naloli nupanga. Po panapa pakulonda ukuti abantu aba Chala babanje bakujimba nukuba bamaka mulwitiko.

Ubuvumbuli 16:9

Po ichitukivu ichikali chikabocha abantu bala, po abantu bala bakalighuna itabwa ilya Chala, yuyo ali nu bulaghili pa viwaya. Loli batakapinduka nukuzileka imbibi zyabo pamo pakumupala u Chala.

1 Samuweli 19:4

U Yonatani akanena ubwiza ubwa Devedi pamaso pa wise nukuti, “Wee mwene, utakamubombele nachimo ichibibi umubombi wako u Devedi, pakuti atakunangiyepo nachimo, sona vyosi vivyo abombagha vyakwavwa nkani.