Ubwandilo 42:21 - IBAYIBOLO 2024

²¹ nukunenezannya benebene nukuti, “Naloli tukananga bo umuzuna witu akutulaba ukuti tumupelele ichisa, loli aswe tukakana. Cho chifukwa ilelo tuli muntamyo inkulu nkani.”

Ubwandilo 42:21 Iomraidhean Croise

Ubwandilo 41:9

Po usongo uwakumupa uvinyo yula akamubuzya u Falabo akati, “Ilelo indape imbibi zyane.

Ubwandilo 44:16

Po u Yuda akamula akati, “Nkimba tunganena ichoni mwene? Nkimba tungaba na mazyu sona mwene? Pamo nkimba tungipoka bulibuli? U Chala abwagha ububibi bwitu. Po twebosi twaba bazya bako sona te mwene yuyo aghiwa nu lubako, awe.”

Ubwandilo 45:3

Po u Yosefu akababuzya abawamwabo bala akati, “Ane ne Yosefu. Nkimba utata wane achili mumi?” Loli bo abawamwabo bivwa zinizi bakanyila nkani umwakuti batakamwamula.

Ubwandilo 50:15

Bo abakamu aba Yosefu bennya ukuti uwise afwa bakati, “Nkimba buli nanti u Yosefu anda pakutubenga nukubatika pakutanizya pabubibi bubo tukamubombela?”

2 Samuweli 12:13

Po u Devedi akamubuzya u Natani akati, “Namunangila u Mwene.” U Natani akamwamula akati, “U Mwene akuhobokela, sona utakwiza pakufwa.

1 Abamwene 17:18

Umukolo yula akamubuzya u Eliya akati, “Wee muntu uwa Chala, nkimba choni chicho wambombela bunubu? Fwandi wizite kuno pakunkumbusya imbibi zyane nukungoghela umwana wane?”

Ivyili 21:13

Nanti umuntu akwighalila amakutu ghache bo umupina akulila, wepe akwiza pakulila sona atakwiza pakwamuliwa.

Ivyili 28:17

Umughoghi yuyo apalaghula inongwa iya bughoghi, akuvwamagha mupaka ubufwe bwache, sona atakabepo nayumoyumo umuntu uwakumwavwa.

Yelemiya 2:17

Zinizi zyakubonekela, pachifukwa ichakuti ukamuleka u Mwene, u Chala wako, bo akukulongozya muzila yiyo ukendaghamo.

Yelemiya 2:19

Ukwiza pakufundiwa nu bubibi bwako, pakuti wankana, nkwiza pakukupa inongwa. Winong'one nkani ububibi nu bubavu ubwa kundeka ane ne Mwene u Chala wako, sona winong'one nizya kusita ukunyila.” U Mwene Uwamaka Ghosi anena.

Yelemiya 34:17

Polelo, u Mwene akuti, “Mukanite pakunyivwila, mutafumusizye ubwabuke ubwakuti mukwiza pakubasatula abakamu binyu na bapalamani binyu. Po ilelo ane nkubafumusizya ubwabuke: Ubwabuke ubwakufwila kubwite, ichiwaya nizala. Nkwiza pakubapela pakuba bantu abakoghofya ku inko izya pachisu ichapasi.

Yelemiya 4:18

“Akendele kinyu ni mbombo zyinyu vyo vivyo vyabizila nintamyo. Ulu lo lufundo lwinyu sona lukubaba, lukughavulazya amoyo ghinyu.”

Hoseya 5:15

Nkwiza pakunyokela kubuzilo bwane, mupaka bilate imbibi zyabo. Bo bali muntamyo zyabo, bakwiza pakundonda na moyo ghabo ghosi.

Ukubelengiwa 32:23

“Loli nanti mwapotwa pakubomba zinizi, kokuti mukwiza pakumunangila u Mwene, pakuti ukupuvya kwinyu kukwiza pakubakonka.

Matayi 7:2

Pakuti mumo mukubalongela abantu abanji, momumo u Chala akwiza pakubalongela. Ichipimilo chicho mukubombezya pabantu abanji, cho chicho u Chala akwiza pakubombezya papinyu.

Maliko 9:48

Kuko ‘isomi zizyo zikubalya zitakufwapo nalumolumo numoto ghugho ghukubocha ghutakuzimapo nalumolumo.’

Luka 16:28

kuko indi na bakamu fayivi. Abuke nukubasoka ukuti baleke ukwiza kubuzilo ubwa ntamyo ubu.’

Imbombo 19:18

Abinji aba babo bakasubila bakiza, bakitika nukwilata imbibi zyabo zyosi zizyo bakabomba.

Yakobo 2:13

Pakuti u Chala atakwiza pakulanjizya ichisa, bo akumulonga umuntu yuyo atakaba ni chisa. Loli umuntu wesi yuyo ali ni chisa atakwiza pakubunyila ubulongi ubwa Chala.

1 Yohani 1:9

Loli nanti tukwitika imbibi zyitu, u Chala umwenecho yuyo musubiliwa sona mugholosu, akwiza pakutuhobokela imbibi zyitu. Akwiza pakutuswefya ububibi bwitu bosi bubo tukubomba.

Abalongi 1:7

Po u Adonibezeki akati, “Abamwene 70 babo bakadumuliwa abachisumwe aba munyobe naba munyayo bulo bakasebagha utubululusya pasi pitebulo lyane. Ilelo u Chala antanizya pa zizyo nkababombela abantu balabala.” Bakamusenda nukubuka nawe ku Yelusalemu, po akafwila kulakula.