Ubwandilo 42:15 - IBAYIBOLO 2024

¹⁵ Polelo nkwiza pakubayela ulu: Nkulapa pamaso pa Falabo ukuti mutakwiza pakubuka pene papo umuzuna winyu iza kuno.

Ubwandilo 42:15 Iomraidhean Croise

Ubwandilo 42:12

U Yosefu akati, “Awe, amwe mwiza pakutendela ichisu ukuti mwennye ubudedebazu.”

Ubwandilo 42:14

Loli u Yosefu akabamula akati, “Momumo, naloli amwe mwe batendezi.

Ubwandilo 42:16

Mumutume uwamwinyu weka ukuti abuke pakumusenda umuzuna winyu, bo amwe mwe banji muli mujele ukuti twennye nanti zyo mukunena bwanaloli pamo bumyasi. Mwitabwa ilya Falabo, naloli amwe mwe batendezi.”

Ubwandilo 42:20

Nanti mwiza kuno nu muzuna winyu umunandi nkani, po nkwiza pakumanya naloli ukuti mukunena ubwanaloli, sona mukwiza pakupona.” Po bakitinkana nazyo

Ubwandilo 42:30

“Umwimilili uwa muchisu chila akatunena akabibi nkani nukutunena pakuba twe batendezi.

Ubwandilo 42:34

Mumutume uwamwinyu weka ukuti abuke pakumusenda umuzuna winyu. Po nkwiza pakumanya ukuti amwe mute batendezi, loli mwe bantu abasubiliwa. Nkwiza pakubanyosekezya umuzuna winyu, sona mukwiza pakuba mwe babuke pakwikala muchisu ichi pakughula nukughulizya.’ ”

Ubwandilo 42:7

Bo u Yosefu abennya abawamwabo, akabamanya. Loli akabapima ngati po bantu babo atabamenye, po akabalalusya umwakuboghofya nukuti, “Nkimba mwafuma kwiyi?” Bakamwamula bakati, “Twafuma kuchisu icha Kenani twiza pakughula ivyakulya.”

Ubwandilo 43:3

Loli u Yuda akamwamula akati, “Umulaghili uwa chisu chila akatusoka nkani ukuti atakwiza pakutwitikizya ukufika pamaso papache nanti tutakubuka nu muzuna witu.

Ubwandilo 43:5

Loli nanti utakututuma poka nawe naswe tutakubukako, pachifukwa ichakuti umuntu yula akatubuzya akati tutakwiza pakufika pamaso papache nanti tutakubuka nu muzuna witu.”

Yelemiya 5:2

Napapo bakulapila mwitabwa ilya Mwene umumi, pope bulo bakulapa ivyabumyasi.”

Yelemiya 5:7

U Mwene akuti, “Nkimba choni chicho imbahobokele? Abana binyu bankanite, sona nukulapa ku bachala babo bate bo bachala. Nkabapa vyosi vivyo bakalondagha, loli pope bulo bakalowa bakatagha akabalilo munyumba izya bamalaya.

Ukukumbusya Amalamulo 6:13

Mumuchindikaye u Mwene u Chala winyu, mumubombelaye yuyo mwene. Bo mukulapa ichilapo mulapilaye mwitabwa lyache lyene.

Yakobo 5:12

Bakamu bane, pamwanya pavyosi, mutakalapaye ichilapo. Mutakalapilaye na kumwanya, pamo na pachisu ichapasi, pamo ni chintu chosi. Nena bulo ukuti, “Eee” nanti we ee, sona “Awe” nanti we awe. Po mutakwiza pakwaghiwa ninongwa pamaso pa Chala.

1 Samuweli 1:26

sona u Hana akamubuzya u Eli akati, “Wee mwene wane, naloli ane ne mukolo yuyo nkimilila pamaso papako nukwiputa kwa Mwene.

1 Samuweli 17:55

Bo u Sabuli akumwennya u Devedi akubuka pakulwa nu mu Filisiti yula, akamulalusya u Abinala, usongo uwa basilikali bache akati, “Nkimba umulumendo uyu mwana wawenu?” U Abinala akamwamula akati, “Wee mwene, nkulapa mwitabwa lyako ukuti ntamumenye.”

1 Samuweli 20:3

Loli u Devedi akalapa akati, “Ughuso azimenye akiza nkani ukuti awe unganite, po akati, ‘U Yonatani atakazimanye zinizi, lumo angaba ni chitima.’ Loli nkulapa pamaso pa Mwene umumi, sona na pamaso papako ukuti ubufwe buli pampuno.”