Ubwandilo 41:8 - IBAYIBOLO 2024

⁸ Bo kwacha pandabindabi akayimba nkani mumoyo wache umwakuti akabitizya abantu abamayele bosi, sona na bantu abamahala aba mu Ijiputi. Bo bosi biza, u Falabo akababuzya nizya vilota vyache, loli atakabapo nayumoyumo yuyo akaving'anamula ivilota vyache.

Ubwandilo 41:8 Iomraidhean Croise

Ubwandilo 40:6

Pandabindabi bo u Yosefu iza pakubennya, akabennya ukuti ivyeni vyabo vyandukite.

Ubwandilo 40:8

Bakamwamula bakati, “Twebosi tulotite ivilota, loli atalipo nayumo yuyo angaving'anamula ivilota vila.” Po u Yosefu akababuzya akati, “We Chala mwene yuyo angaving'anamula ivilota.”

Ubwandilo 41:15

U Falabo akamubuzya u Yosefu akati, “Nalotite chilota, loli atalipo nayumo umuntu yuyo angang'anamulila. Loli nivuye ukuti awe nanti wivwa ichilota ungang'anamulila.”

Ubwandilo 41:24

Imitu imighande iya malezi yikamila imitu inyine akiza yila. Po nkababuzya abantu abamayele bala, loli atakabapo nayumo umuntu uwakuti angang'anamulila ivilota vyane.”

Ubwandilo 41:7

Imitu iya malezi imibabuke yila yikamila imitu iya malezi inyiza. Po u Falabo akalamusya mutulo nukwagha ukuti akulota bulo.

Masalimo 25:14

U Mwene akuba mumanyani uwa bantu babo bakumwivwila, po akubavumbulila ulufingo lwache.

Ukufuma 7:11

Bunubo u Falabo akabitizya abantu bache abamahala na bamayele, umwakuti bope bakabomba bulabula.

Ukufuma 7:22

Loli abamayele aba mu Ijiputi bakabomba bunubu pakubombezya amayele ghabo. Pope bulo umoyo uwa Falabo ghukaba mukafu nkani, ukuyana namumo u Mwene akanenela, umwakuti atakamuteghelezya u Mozesi nu Aloni.

Ukufuma 8:7

Loli abamayele bala bakabomba bunubu, bope bakabapela abachula ukuti bepemo mumizi nukuchizuzya ichisu icha Ijiputi.

Ukufuma 9:11

Abamayele bala bakapotwa pakwimilila pamaso pa Mozesi pachifukwa ichakuti bope bakaba na mapumba ngati ba Ijiputi abanji bosi.

Yesaya 19:3

Amaka ghakwiza pakubawila aba Ijiputi, nkwiza pakuzivulungannya inyinong'ono zyabo pakuba zyabulo, bakwiza pakubuzikizya kuvifwani na kumizimu iya bafwe, kubamayele sona na kubavipandwa.

Yesaya 29:14

Polelo nkwiza pakubabombela abantu aba, ivyakuswighisya ivyakulekanalekana, amahala agha bantu abamahala ghakwiza pakuzimila, sona ubumanyi ubwa bantu abamanyi, bope bukwiza pakuzyebeluka.”

Yesaya 8:19

Loli abantu bakwiza pakukubuzya ukuti utulalusikizyeko ku bantu babo bakunena ni mizimu, sona na bamayele bosi. Babo bakuteketa nukulila ngati kayuni, nkimba abantu batabaghiye pakulalusya kwa Chala wabo? Nkimba choni chicho bakubalaluzikizizya abantu abafwe mubuzilo ubwa bantu abumi?

Daniyeli 1:20

Akabalilo kosi kako u mwene akalalusyanga nizya vintu vivyo vikalondagha amahala pamo akivwisizye, abalumendo banaba bakaba na mahala aka teni ukubachila abamayele na balaghuzi aba mubumwene bwache bosi.

Daniyeli 4:18

Ichi cho chilota chicho ane ne Nebukadineza nkalota. Ilelo awe Belitishazala unsanusizyeko ichilota chinichi, pakuti atalipo nayumoyumo umuntu weka uwamahala pakasi pabantu bane abamahala mubumwene bwane, babo bangansanuzizya ichilota chinichi. Loli awe ungazibomba zinizi, pachifukwa ichakuti umuzimu uwa bachala abazelu ali mumwako.

Daniyeli 4:19

U Daniyeli yuyo akitiziwanga ukuti Belitishazala akaswigha nkani ukwa kabalilo, umwakuti ubogha bukamulema. Po u mwene akati, “Wee Belitishazala ichilota ichi pamo ubusanuzyi bwache vitakakoghofyanje.” U Belitishazala akamula akati, “Wee mwene wane! Nalondagha ngali ichilota ichi sona nu busanuzyi bwache bubawile abalwani bako, loli vitakakuwile!

Daniyeli 4:5

Bo ingonite pachitala chane pabusiku, nkanyila nkani pachifukwa ichakuti ichisetuka, chicho nkachennya chikaba chakoghofya.

Daniyeli 4:6

Po nkabalamula abantu bosi abamahala aba mu Babiloni ukuti bize pamaso papane pakunsanuzizya ichilota chila.

Daniyeli 4:7

Bo abamayele na balaghuzi na bakunena ni mizimu na basanuzyi aba vilota, biza pamaso papane nkababuzya ichilota chane chila, loli bakapotwa pakunsanuzizya.

Daniyeli 5:11

Mubumwene bwako muno alipo umuntu yumo, yuyo ali nu muzimu uwa bachala abazelu mumwache. Pakabalilo aka ghuso akaba muntu yula uwakuvyaghannya ivintu nu mumanyi, sona nu wamahala ngati gha bachala. Ughuso u Nebukadineza akamusala pakuba we songo uwa bamayele, nuwa balaghuzi nuwa bantu abakunena ni mizimu nuwa basanuzyi aba vilota, sona.

Daniyeli 7:28

“Ubu bo bumalilo ubwa fundo yiniyi. Po ane ne Daniyeli nkatamiwa nkani mumoyo wane, sona chope icheni chane chikasulumannya, loli nkavisunga bulo mumoyo wane.”

Daniyeli 8:27

Ane ne Daniyeli nkalita nkani, sona nkabinapo amasiku aminji. Po nkanyamuka nukubuka pakubomba imbombo kunyumba iya mwene. Nkaswigha nkani ni chisetuka chila sona intakachivwisyanga.

Aba Levi 19:31

“ ‘Mutakababuzikizyanje abamayele, pamo abantu babo bakunenezannya ni mizimu iya bantu abafwe. Nanti mukubomba bunubu, mukwinyazya mwebene. Ane ne Mwene, u Chala winyu.

Aba Levi 20:6

“ ‘Nanti umuntu akubuzikizya abantu babo bakunenezannya ni mizimu iya bantu abafwe, ane nkwiza pakumusulannya umuntu yula, nukumwepusyapo pakasi pabantu bache.

Habakuku 3:16

Bo nivwa zinizi mukasi mukasunguluka, sona imilomo yane yikaneng'ena bo nivwa amazyu ghanagha. Amafupa ghane ghakanda pakubola sona ivinama vyane vikatetema. Loli nkwiza pakulindilila mubufisalyoyo ukwiza ukwa isiku ilya ntamyo, ukuti lyize pa balwani bitu babo bakutulema.

Matayi 2:1

U Yesu akapapiwa mukaya aka Betelehemu muchigaba icha Yudeya, pakabalilo aka Mwene u Helodi. Bo pachilapo akabalilo panandi, kukiza abamanya ntondwa abakubufumilo bwizuba ubwa kaya akakulu nkani aka Yelusalemu.

Imbombo 17:18

Abamanyisi bamo aba mukabukatila aka Epikuliya nu Sitoyiki bakadalinkana nawe. Bamo bakalalusya bakati, “Nkimba umupunganu uwakunena mwalwemwalwe uyu akulonda pakunena choni?” Abanji bakamula bakati, “Akuboneka ngati po akulumbilila izya abachala abayeni.” Bakanena izi pakuti u Pabuli akalumbililagha nizya Yesu, sona nizya kuzyuka kubufwe.

Imbombo 7:22

Bakamumanyisya u Mozesi amahala ghosi agha mu Ijiputi, sona akaba muntu uwamaka mumazyu na mumbombo bulo.

1 Aba Kolinti 1:19

Pakuti Amasimbo ghakuti, “Nkwiza pakughanangannya amahala agha bantu abamahala, sona nkwiza pakubuvulungannya ubumanyi ubwa bantu abamanyi.”

1 Samuweli 6:2

Po aba Filisiti bakabitizya abaputi na bamayele nukubalalusya ukuti, “Nkimba tubombe choni nalyo Ibokosi ilya Lufingo ilya Mwene? Tubuzye tungalinyosekezya bulibuli kuko likafumila.?”