Ubwandilo 41:51 - IBAYIBOLO 2024

⁵¹ U Yosefu akamwita umwana wache usongo ukuti we Manase, pakuti akati, “U Chala weyuyo anyavwa ukuti induvye intamyo zyane zyosi izya munyumba iya tata wane.”

Ubwandilo 41:51 Iomraidhean Croise

Ubwandilo 41:30

loli pisinda pache kukwiza pakuwa izala amaka seveni. Po ivyakulya vyosi ivyinji vivyo bakaba navyo muchisu icha Ijiputi mukwiza pakuviluvya pakuti izala yikwiza pakuchiyivya ichisu chosi icha Ijiputi.

Ubwandilo 41:50

Bo amaka ghala seveni ghatafikite, u Asenati akamupapila u Yosefu abana abalumendo babili.

Ubwandilo 41:52

Umwana wache uwabubili akamwita ukuti we Efulayimu, po akati sona, “U Chala ampa abana muchisu chane icha mayimba.”

Ubwandilo 48:1

Pisinda pache u Yosefu akabuziwa ukuti, “Ughuso mubine.” Po akabasenda abana bache abalumendo babili bala, u Manase nu Efulayimu nukubuka nabo pakumwennya u Yakobo.

Ubwandilo 48:5

Po akanena sona ukuti, “Abana bako abalumendo babili babo bakapapiliwa muchisu icha Ijiputi, bo ane inchili pakwiza kuno, u Efulayimu nu Manase bakwiza pakupimiwa pakuba bana bane ngati mumo u Lubeni nu Simiyoni babeleye bana bane.

Yobu 11:16

Naloli ukwiza pakughaluvya amayimba ghako, ukwiza pakughakumbukagha ngati mizi ghagho ghenda kale.

Masalimo 30:11

Ukandula ichililo chane pakuba kujina. Ukanvula amenda agha pachitima, po ukanvwika amenda agha palusekelo.

Masalimo 30:5

Pakuti ubukali bwache bukubangako pakabalilo akapimpa bulo, loli ichisa chache cha bwila na bwila. Umuntu angachelezya pakulila, loli ubuhobosu bukwizagha po pandabindabi.

Masalimo 45:10

Wee mulindu teghelezya! Ivwa amazyu nukughinong'onela, sona ubaluvye abakamu bako na bamunyumba iya ghuso.

Ivyili 31:7

Leka ang'welaye ukuti aluvye ubupina bwache, nukuti atakaghakumbukaye sona amayimba ghache.

Yesaya 57:16

Ntakwiza pakulongana nu muntu bwila na bwila, pamo ukumukalalila amasiku ghosi, pakuti mumwane momumo mukafumila umuzimu, sona nene nkaghupela umuyi uwa bumi.

Yesaya 65:16

Wesi yuyo akulaba ulusayo muchisu, akwiza pakulwaghila mwa Chala uwa bwanaloli, wesi yuyo akulapa ichilapo muchisu, akwiza pakulapila mwa Chala uwa bwanaloli. Pakuti intamyo izyakale zikwiza pakuluviwa, nukufisiwa pamaso papane.

Ukubelengiwa 26:28

Abaluko ulwa Yosefu ukuyana ni nyumba zyabo bakaba bo aba: U Manase nu Efulayimu.

Ukukumbusya Amalamulo 33:17

U Yosefu ali na maka ngati nkambaku, impembe zyache ziyanite bulo ni mpembe izya mpogho, Ni mpembe zinizi akwiza pakuzipula inko izinji, sona ninko zizyo zili kumpaka iya chisu ichapasi. Impembe zinizi bo bantu 1,000 aba Efulayimu, sona bo bantu amasabuzani agha luko ulwa Manase.”

Yoshwa 14:4

pachifukwa ichakuti uluko ulwa Yosefu lukaba pabili, kokuti uluko ulwa Manase nulwa Efulayimu. Uluko ulwa Levi lutakapokelapo nachimochimo ichisu pakuba mpyana yabo, loli bakapokela twene utwaya utukulu utwakwikalamo, poka nu buzilo ubwakudimilako ivitekwa vyabo.

Yoshwa 17:1

Po ichigaba chimo icha chisu chila chikapeghiwa kuluko ulwa Manase, ukatote uwa Yosefu. U Makili umunyenya uwa bantu babo bakikalagha mu Giliyadi akaba we katote uwa Manase. U Makili akaba musilikali, umwakuti akapeghiwa ichisu icha Giliyadi, nicha Bashani.

1 Samuweli 1:20

Pisinda pache u Hana akamela ulwanda nukupapa umwana umulumendo yuyo akamwita ukuti we Samuweli kokuti, “Nkamulaba kwa Mwene.”