Ubwandilo 41:49 - IBAYIBOLO 2024

⁴⁹ U Yosefu akasunga ivyakulya ivyinji nkani ngati musesenga uwa munyanja; ivyakulya vikaba vyinji nkani umwakuti bakaleka nukupima bulo, pachifukwa icha bwinji.

Ubwandilo 41:49 Iomraidhean Croise

Ubwandilo 22:17

Naloliloli nkwiza pakukusaya nkani, sona nkwiza pakubapela abaluko lwako pakuba binji nkani ngati zyo ntondwa, sona ngati musesenga uwa mulubazu ulwa nyanja. Abaluko lwako bakwiza pakubapota abalwani babo bosi.

Ubwandilo 41:48

U Yosefu akabunganika ivyakulya mumaka ghosi seveni ghala agha vyakulya ivyinji nukuvisunga mutwaya utukulu nkani. Mukaya kosi akakulu nkani mukaba intamba izya vyakulya ivya mumaghunda aghakukazyungulila akaya akakulu nkani kala.

Ubwandilo 41:50

Bo amaka ghala seveni ghatafikite, u Asenati akamupapila u Yosefu abana abalumendo babili.

Yobu 1:3

Akaba sona ni ng'ozi 7,000 ni ngamila 3,000 ni nkambaku izya kulima 1,000 ni mpunda 500 sona akaba na bambombo abinji nkani. Akaba mukabi nkani ukubachila abantu bosi aba muvyisu ivya kubufumilo bwizuba.

Masalimo 78:27

U Chala akabawisizya inyama inyinji ngati lufumbi, iviyuni vikaba vyinji ngati musesenga uwa mulubazu ulwamunyanja.

Yelemiya 33:22

Nkwiza pakubapela abaluko ulwa Devedi umubombi wane naba Levi abaputi babo bakumbombela akabalilo kosi pakuba ngati zyo intondwa sona ngati musesenga uwa mulubazu ulwa nyanja ghugho ghutangabelengiwa.”

Abalongi 6:5

Aba Midiyani bakizagha ni vitekwa vyabo ni visakasa ngati we kanta, umwakuti abantu bala bakaba basita ukubelengiwa, poka ni ngamila zyabo. Bakiza nukuchinangannya ichisu chila.

Abalongi 7:12

Aba Midiyani, naba Amaleki, poka na bantu abanji bosi abakubufumilo bwizuba bakazenga ivisakasa vyabo mwikombe. Abantu banaba bakasata bulo ngati we kanta, sona ingamila zyabo zikaba sita kubelengiwa ngati musesenga uwa mulubazu ulwanyanja.

1 Samuweli 13:5

Aba Filisiti bakabungana poka ukuti balwe ubwite naba Izilayeli. Bakaba ni ngolo izya bwite 30,000, na bendezya ingolo 6,000, sona na basilikali abinji nkani ngati musesenga uwa mulubazu ulwa nyanja. Bakazenga ivisakasa vyabo mu Mikimashi kubufumilo bwizuba ubwa Beti Aveni.