Ubwandilo 41:44 - IBAYIBOLO 2024

⁴⁴ Po U Falabo akamubuzya u Yosefu akati, “Napapo ne mwene, atalipo nayumoyumo umuntu muchisu icha Ijiputi uwakuti abombe ichintu chimo bo utamwitikizizye.”

Ubwandilo 41:44 Iomraidhean Croise

Ubwandilo 41:43

Po akamukwezya mungolo yache iyabubili iya bumwene, sona bope abalindilili bache bakanda pakukolomoka pakumwiputa pantazi pangolo yila ukuti, “Mumwivwilaye yunuyu! Mumwivwilaye yunuyu!” Po bunubu u Yosefu akimikiwa pakuba mulaghili uwa chisu chosi icha Ijiputi.

Esitele 10:3

U Molodikayi umu Yuda yula akaba wabubili kwa mwene u Ahaziwelo. Akaba muntu umumanyikwe nkani pakasi paba Yuda sona aba Yuda abamwabo bakamuchindikagha nkani, pachifukwa ichakuti akababombelagha ivintu ivyiza abantu abaluko lwache nukwenelezya ukuti ivintu vikubendela akiza aba Yuda bosi.

Masalimo 105:22

Akaba we songo uwa makambala agha mwene, nukubamanyisya amahala abasongo.

Ukufuma 11:7

Loli nayimoyimo imbwa yiyo yikwiza pakumubwatila umu Izilayeli, pamo ichitekwa, awe. Po mukwiza pakumanya ukuti ane ne Mwene nene nkubika ukulekana pakasi paba Ijiputi naba Izilayeli.