Ubwandilo 41:43 - IBAYIBOLO 2024

⁴³ Po akamukwezya mungolo yache iyabubili iya bumwene, sona bope abalindilili bache bakanda pakukolomoka pakumwiputa pantazi pangolo yila ukuti, “Mumwivwilaye yunuyu! Mumwivwilaye yunuyu!” Po bunubu u Yosefu akimikiwa pakuba mulaghili uwa chisu chosi icha Ijiputi.

Ubwandilo 41:43 Iomraidhean Croise

Ubwandilo 41:42

U Falabo akavula impete yache iya bumwene mukafingwi kache nukumuvwika u Yosefu mukafingwi kache. Akamuvwika sona inkazo intonte, po akamuvwika sona akamunyololo aka golide musingo.

Ubwandilo 41:44

Po U Falabo akamubuzya u Yosefu akati, “Napapo ne mwene, atalipo nayumoyumo umuntu muchisu icha Ijiputi uwakuti abombe ichintu chimo bo utamwitikizizye.”

Ubwandilo 42:30

“Umwimilili uwa muchisu chila akatunena akabibi nkani nukutunena pakuba twe batendezi.

Ubwandilo 42:33

“Po umwimilili uwa chisu chila akati, ‘Uwamwinyu weka asyale mujele, po mwe banji mungabwela ni vyakulya kunyumba zyinyu kuko kuli izala.

Ubwandilo 42:6

Pakuti u Yosefu akaba mulaghili uwa chisu, akabaghulizizya abantu ivyakulya babo bakafumagha kuvyisu vyosi ivya muchisu ichapasi. Po bope abawamwabo aba Yosefu bakiza nukufughama pamaso papache.

Ubwandilo 45:26

Bakamubuzya uwise bakati, “U Yosefu yula achili mumi! Weyuyo akulaghila ichisu chosi icha Ijiputi.” U Yakobo akazilika pachifukwa ichakuti atakabasubila.

Ubwandilo 45:8

“Po te mwemwe mukantuma kuno, loli we Chala. Sona ampela ane pakuba likambala ikulu ilya Falabo, sona nukuba we kapitawa uwa katundu wache wesi uwa munyumba yache, sona umulaghili uwa chisu chosi icha Ijiputi.

Ubwandilo 50:18

Abawamwabo bakiza nukufughamila pamaso papache, bakati, “Ennya, aswe twe bazya bako.”

Ubwandilo 50:9

Abantu abakukwela pangolo izya bwite ni falasi bope bakabuka nawe umwakuti kakaba kabukatila akakulu nkani.

Esitele 10:3

U Molodikayi umu Yuda yula akaba wabubili kwa mwene u Ahaziwelo. Akaba muntu umumanyikwe nkani pakasi paba Yuda sona aba Yuda abamwabo bakamuchindikagha nkani, pachifukwa ichakuti akababombelagha ivintu ivyiza abantu abaluko lwache nukwenelezya ukuti ivintu vikubendela akiza aba Yuda bosi.

Esitele 3:2

Po amakambala ghosi agha kunyumba iya bumwene ghakamufughamilila nukumuchindika u Hamani, pakuti u mwene weyuyo akalamula ukuti zinizi zibanje bunubu. Loli u Molodikayi akakana pakumufughamilila pamo ukumuchindika.

Umulumbilili 4:14

Chingabombiwa ukuti umulumendo asatuliwe mujele nukuba we mwene, pamo ukuti akapapiliwa mubupina nukuba we mwene.

Daniyeli 2:48

Po u mwene akamupa u Daniyeli ichitengo icha pamwanya nkani nukumulundikila ivyabupi ivyiza ivyinji nkani. Akamubika pakuba mulaghili uwa chisu chosi icha Babiloni, akamubika sona pakuba we songo uwa bantu bosi abamahala.

Imbombo 7:10

nukumupoka muntamyo zyache zyosi. Bo u Yosefu aboneka pamaso pa Falabo, u mwene uwamu Ijiputi, u Chala akamupa inkalo inyiza na mahala. Po u mwene akamubika u Yosefu pakuba mulaghili uwamu Ijiputi, sona usongo uwa kunyumba iya bumwene.

Aba Filipi 2:10

umwakuti ivipeliwa vyosi, ivya kumwanya na pachisu ichapasi, sona na kusi kuchisu ichapasi vifughame pakulichindika itabwa ilya Yesu.