Ubwandilo 41:38 - IBAYIBOLO 2024

³⁸ Po u Falabo akabalalusya akati, “Nkimba tungamwagha yumo yuyo ayanite nu muntu uyu, yuyo mumwache muli umuzimu uwa Chala?”

Ubwandilo 41:38 Iomraidhean Croise

Ubwandilo 41:37

Ulubatiko lulo u Yosefu akasakizya lukaba akiza kwa Falabo, poka na makambala ghache ghosi.

Ezila 7:25

Nawe bulo we Ezila, ubasale abalongozi na balongi, ukuyana na mahala ghagho Chala wako akupiye ukuti balongaye mubwanaloli inongwa izya bantu bosi aba kwisila ilya lusoko ulwa Yufuleti, babo bamenye indaghilo izya Chala wako. Umumanyisyanje umuntu wesi yuyo atazimenye indaghilo zinizi.

Yobu 32:8

Loli u Muzimu uwa Chala Uwamaka Ghosi, gho ghugho ghukwinjila mubantu, nukubapa amahala.

Ivyili 14:35

Uwambombo uwamahala akumuhobosya u mwene wache, loli ubukali bwache bukulinda po pa wambombo umukozya isoni.

Ivyili 22:29

Nanti ukubomba imbombo zyako akiza bulo, kokuti ukwiza pakubabombela abamwene, sona utakwiza pakubabombela abantu bulo.

Yesaya 19:11

Amakambala agha mukaya akakulu nkani aka Zowani bapunganu, abalongozi abamahala bakumumanyisya u Falabo amahala agha bupunganu. Nkimba ungamubuzya bulibuli u Falabo ukuti, “Ane ne wabamo abamahala, umumanyili uwa ivula intazi uwa bamwene”?

Daniyeli 4:18

Ichi cho chilota chicho ane ne Nebukadineza nkalota. Ilelo awe Belitishazala unsanusizyeko ichilota chinichi, pakuti atalipo nayumoyumo umuntu weka uwamahala pakasi pabantu bane abamahala mubumwene bwane, babo bangansanuzizya ichilota chinichi. Loli awe ungazibomba zinizi, pachifukwa ichakuti umuzimu uwa bachala abazelu ali mumwako.

Daniyeli 4:6

Po nkabalamula abantu bosi abamahala aba mu Babiloni ukuti bize pamaso papane pakunsanuzizya ichilota chila.

Daniyeli 5:11

Mubumwene bwako muno alipo umuntu yumo, yuyo ali nu muzimu uwa bachala abazelu mumwache. Pakabalilo aka ghuso akaba muntu yula uwakuvyaghannya ivintu nu mumanyi, sona nu wamahala ngati gha bachala. Ughuso u Nebukadineza akamusala pakuba we songo uwa bamayele, nuwa balaghuzi nuwa bantu abakunena ni mizimu nuwa basanuzyi aba vilota, sona.

Daniyeli 5:14

Nivwa ukuti umuzimu uwa bachala ghuli mumwako, nukuti we wakuvyaghannya ivintu, we mumanyi, sona we wamahala.

Daniyeli 6:3

U Daniyeli akalanjizya ukuti angabombako imbombo akiza nkani ukughachila amakambala aghanji ghosi, sona na balongozi bosi, po u mwene akamusala pakuba mulaghili uwa chisu chosi.

Daniyeli 6:4

Pachifukwa chinichi amakambala na balongozi bala bakanda pakumulondelezya ivifukwa u Daniyeli nizya mumo akalongozezya ichisu chila, loli bakapotwa. Batakamwaghapo ni chifukwa icha mabeko, pakuti akaba musubiliwa, akaghabenga nkani amabeko, sona atakabombaghapo chimo ichibibi.

Ukubelengiwa 27:18

Po u Mwene akamubuzya u Mozesi akati, “Umusende u Yoshwa umwana uwa Nuni, umuntu yuyo ali nu Muzimu uwa Chala, nukubika inyobe papache.