Ubwandilo 41:32 - IBAYIBOLO 2024

³² Pakulota ivilota akabubili kukung'anamula ukuti ichintu ichi chikabatikiwa nu Chala, sona u Chala akwiza pakuchibomba lunulu.

Ubwandilo 41:32 Iomraidhean Croise

Ubwandilo 37:7

Twebosi tukaba mumughunda twapinyagha inkose izya ngano. Bo tukuzipinya, inkose yane yikimilila, po inkose zyinyu zikaghuzyungulila, nukuyifughamilila inkose yane yila.”

Ubwandilo 37:9

Po u Yosefu akalota ichilota ichinji nukubabuzya abawamwabo ukuti, “Mwebaya mwee, ivwa kuno, ichilota ichinji, indotite ukuti izuba nu mwezi, sona ni ntondwa 11 zikunfughamilila.”

Ubwandilo 41:25

Po u Yosefu akamubuzya u Falabo akati, “Ivilota vibili ivya Falabo vikung'anamula ichintu choka; u Chala amuvumbulila u Falabo zizyo akwiza pakubomba.

Ubwandilo 41:28

“Zili ngati mumo namubuzizya u Falabo zizyo u Chala akwiza pakubomba.

Ubwandilo 41:31

Amaka ghosi agha vyakulya ivyinji muchisu icha Ijiputi mukwiza pakughaluvya pakuti izala yiyo yikwiza pakubawila sona yikwiza pakuba yakoghofya nkani.

Yesaya 30:33

Pakuti ubuzilo ubwa kochelapo ivintu buyaniziwe kale, bwayaniziwa zila kwa mwene uwa ku Asiliya. Ichiliba icha moto chinichi chibizu, sona ichikulu chiyaniziwe chizuye numoto sona ninkwi, umuyi uwa Mwene ghuli, ngati kasoko aka sulufule kakupemba umoto.

Daniyeli 2:45

Ubu bo busanuzyi ubwa chisetuka icha libwe lilyo likadumuliwa kwighamba, te muntu akalibunguluzya awe, kokuti ibwe lilyo likatizannya ichifwani icha chela nicha mukuba nicha litope nicha siliva sona nicha golide. “U Chala umukulu nkani akulanjizya zizyo zikwiza pakuboneka muntazi. Ichilota chinichi chanaloli, sona nakubuzya ubwanaloli bosi.”

Ukubelengiwa 23:19

U Chala te muntu uwakuti angatamanta, pamo te mwana uwa muntu uwakuti angandula inyinong'ono zyache. Nkimba anenitepo chimo ukusita pakuchibomba? Nkimba alayizizyepo chimo ukusita pakuchikwanilisya?

Matayi 24:35

Kumwanya ni chisu ichapasi vikwiza pakumala, loli amazyu ghane ghakwiza pakuba na maka bwila na bwila.

Matayi 25:34

Po u Mwene akwiza pakubabuzya abantu aba kunyobe indilo ukuti, ‘Zagha kuno, mwe basayiwa nu Tata wane! Zagha mupokele ubumwene bubo buyaniziwe pakuba bwinyu ukwandila pakabalilo kako akapelelagha ichisu ichapasi.

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Maliko 10:40

Loli inte nu bulaghili ubwakusala uwakwikala kunyobe yane indilo ni yamongo. We Chala mwene yuyo akupa ubuzilo abantu babo abayanizizya.”

1 Aba Kolinti 2:9

Loli ukuyana na Masimbo aghakuti, “Chicho ilyiso litachenizyepo, pamo chicho ni kutu litachivuyepo pamo chicho umoyo uwa muntu ghutakachinong'onagha, ichintu chilachila, cho chicho u Chala akabayanizizya abantu babo bamughanite.”

2 Aba Kolinti 13:1

Aka kabutatu pakubendela. Pakuti Amasimbo ghakuti, “Inongwa yosi yibaghiye yisimikiziwe na bakaboni babili pamo batatu.”

Ubuvumbuli 9:15

Abantumi folo bala bakabayanizya zila akabalilo kalakala, ni siku lilalila nu mwezi ghulaghula sona nu mwaka ghulaghula. Ilelo bakasatuliwa ukuti baghoghe ichigaba choka pa vigaba vitatu ivya bantu bosi.