Ubwandilo 41:25 - IBAYIBOLO 2024

²⁵ Po u Yosefu akamubuzya u Falabo akati, “Ivilota vibili ivya Falabo vikung'anamula ichintu choka; u Chala amuvumbulila u Falabo zizyo akwiza pakubomba.

Ubwandilo 41:25 Iomraidhean Croise

Ubwandilo 40:8

Bakamwamula bakati, “Twebosi tulotite ivilota, loli atalipo nayumo yuyo angaving'anamula ivilota vila.” Po u Yosefu akababuzya akati, “We Chala mwene yuyo angaving'anamula ivilota.”

Ubwandilo 41:16

U Yosefu akamwamula akati, “Awe te nene, loli u Chala weyuyo angamupa u Falabo ilyamulo lilyo akulilonda.”

Ubwandilo 41:26

Ing'ombe seveni inyine, maka seveni, sona imitu iya malezi yiyo yikela akiza, maka seveni, ichilota chili choka.

Ubwandilo 41:28

“Zili ngati mumo namubuzizya u Falabo zizyo u Chala akwiza pakubomba.

Ubwandilo 41:32

Pakulota ivilota akabubili kukung'anamula ukuti ichintu ichi chikabatikiwa nu Chala, sona u Chala akwiza pakuchibomba lunulu.

Masalimo 98:2

U Mwene abuvumbula ubupoki bwache, sona abavumbuliye ubugholosu bwache abantu aba inko izinji.

Ukufuma 9:14

Pakabalilo kanaka nkwiza pakukufunda awe, na makambala ghako, sona na bantu bako bulo, umwakuti umanye ukuti atalipo uyunji muchisu chosi ichapasi uwakuyana nane.

Yesaya 43:9

Inko zyosi zikubungana poka, sona abantu babungane. Nkimba wewenu pakasi papinyu, yuyo amenye pakufumusya izi, nukutulanjizya ivintu ivya bwandilo? Leka bize na bakaboni babo, pakusimikizya ukuti bakaba pabwanaloli, umwakuti abanji bivwe nukunena ukuti, “Bwanaloli.”

Daniyeli 2:45

Ubu bo busanuzyi ubwa chisetuka icha libwe lilyo likadumuliwa kwighamba, te muntu akalibunguluzya awe, kokuti ibwe lilyo likatizannya ichifwani icha chela nicha mukuba nicha litope nicha siliva sona nicha golide. “U Chala umukulu nkani akulanjizya zizyo zikwiza pakuboneka muntazi. Ichilota chinichi chanaloli, sona nakubuzya ubwanaloli bosi.”

Daniyeli 2:47

U mwene yula akamubuzya u Daniyeli akati, “Naloliloli u Chala wako we Chala uwa bachala, sona we Mwene uwa bamwene, yuyo akuvumbula izyakubusyefu pakuti wanvumbulila izyakubusyefu zinizi.”

Amosi 3:7

Naloliloli u Mwene Uwamaka Ghosi atakubombapo nachimochimo, nanti atabavumbuliye ababombi bache abalaghuzi imbatiko zyache.

Matayi 24:40

Pakabalilo kalakala abantu babili bakwiza pakubombagha mumughunda, weka akwiza pakusendiwa, po uyunji yula akwiza pakulekiwa mulamula.

Maliko 13:23

Mubanje maso! Imbabuzizye vyosi bo akabalilo katakwanite.

Aba Efeso 1:17

u Chala uwa Mwene witu u Yesu Kilisitu, sona nu Tata umuchindamu, ukuti abape umuzimu uwamahala nu wabuvumbuli ukuti mumumanye akiza.

Yoshwa 11:6

U Mwene akamubuzya u Yoshwa akati, “Utakabanyilaye, pachifukwa ichakuti pakabalilo kanaka indabi nkwiza pakubabika bosi munyobe izya ba Izilayeli ukuti babaghoghe. Muzidumule inkole izya vinama ifalasi zyabo, sona zyope ingolo zyabo muzyoche.”

Ubuvumbuli 4:1

Pisinda pache nkennya ichisetuka nukulwennya ulwiyi lwighuke kumwanya. Sona izyu itazi lila lilyo nkivwa likaba ngati lyo lipati likati, “Zagha kumwanya kuno, nkwiza pakukulanjizya ivintu vivyo vikwiza pakubombiwa pisinda pavinivi.”