Ubwandilo 40:20 - IBAYIBOLO 2024

²⁰ Naloli bo ghachilapo amasiku matatu pakaba ulusekelo ulwakupapiwa ukwa Falabo, po u Falabo akaghitizya amakambala ghache ghosi. Akamufumya mujele uwakumupa uvinyo nu wakupiya ivibama yula nukubimika pamaso pa makambala ghache.

Ubwandilo 40:20 Iomraidhean Croise

Ubwandilo 21:8

Umwana yula akakula, po isiku ilyakuti u Sala amulesya pakonka ibele, u Abulahamu akayannya ulusekelo ulukulu nkani.

Ubwandilo 40:13

Bo ghachilapo amasiku matatu u Falabo akwiza pakukufumyamo muno, akwiza pakukuhobokela, sona nukukunyosezya pambombo yako. Ukwiza pakumupa ulubako lwache ngati mumo ukabombelagha kwisinda uko.

Ubwandilo 40:19

Bo ghachilapo amasiku matatu u Falabo akwiza pakukufumya muno, sona akwiza pakukudumula umutu wako. Umuvimba wako akwiza pakughupayika pikwi, sona iviyuni vikwiza pakughulya.”

1 Abamwene 3:15

U Solomoni akalamusya mutulo, akazyaghannya ukuti akaba mutulo. Po akanyokela ku Yelusalemu, akimilila pantazi pa Bokosi ilya Lufingo ilya Mwene, nukubika ivyakwiyipa ivyakocha ni vyakwiyipa ivyabupoka. Po akaghayanizizya ulusekelo amakambala ghache.

2 Abamwene 25:27

Mumwaka ghugho u Evili Melodaki akaba we mwene uwa Babiloni, akamupelela ichisa u mwene u Yehoyakini uwamu Yuda nukumusatula mujele. Vinivi vikabombiwa pisiku ilya 27 mumwezi uwa 12.

Esitele 1:3

Po mumwaka uwabutatu bo akulaghila, akabayanizizya ulusekelo ulukulu nkani abalongozi na makambala ghache ghosi. Palapala pakabapo abasongo aba basilikali aba mu Peleziya naba mu Mediya na bana aba bamwene sona na balongozi aba muvigaba.

Yobu 3:1

Pisinda pache u Yobu akighula umulomo wache nukulighuna isiku lilyo akapapiliwa.

Masalimo 105:19

Po vivyo akanenela zila vikakwanilisiwa, sona amazyu agha Mwene ghakasimikizya ukuti atakananga.

Yelemiya 52:31

Mumwaka ghugho u Evili Melodaki akaba we mwene uwa Babiloni, akamupelela ichisa u mwene u Yehoyakini uwamu Yuda nukumusatula mujele. Vinivi vikabombiwa pisiku ilya 25 mumwezi uwa 12 mumwaka uwa 37 bo u Yehoyakini asendiwa pakubuka kubuzya.

Matayi 14:6

Pisiku ilya kusekela ukupapiwa ukwa Helodi umwana umulindu uwa Helodiya akimba pantazi pakabukatila kosi kala. U Helodi akahoboka nkani

Matayi 25:19

“Bo pachilapo akabalilo akatali, u mwene uwa bambombo bala akabwelako, akennya mumo bakabombezya indalama zila.

Maliko 6:21

Pabumalilo pache u Helodiya akalwaghilapo ulusako. Pisiku ilya kusekela ukupapiwa ukwa Helodi, akayannya ulusekelo nukwitizya ghosi amakambala agha chisu, abasongo aba basilikali ababwite na bantu abamanyikwe mu Galileya.