Ubwandilo 4:8 - IBAYIBOLO 2024

⁸ Po u Kayini akamubuzya umuzuna wache u Abeli akati, “Twende kumughunda.” Bo bali kumughunda, u Kayini akamusambukila umuzuna wache u Abeli nukumughogha.

Ubwandilo 4:8 Iomraidhean Croise

Ubwandilo 4:25

Po u Adamu akamumanya sona umuchi wache u Eva, po u Eva akamela ulwanda nukupapa umwana umulumendo. Po akati, “U Chala ampa impyana iya Abeli yuyo akaghoghiwa nu Kayini.” Po akamwita ukuti we Seti.

2 Samuweli 14:6

Ane ne wambombo wako nkaba na bana abalumendo babili. Abana bala bakalwanga mumughunda, sona patakabapo nayumo umuntu uwa kubalesannya, umwakuti yumo akamukoma uwamwabo, po akafwa.

2 Samuweli 3:27

Bo u Abinala anyokela ku Hebuloni, u Yowabu akamusendela papipi nu mulyango uwa kaya kala ngati po akulonda pakunenezannya nawe kubusyefu. Po kulakula akamughogha ukutanizya ubufwe ubwa wamwabo u Asaheli. U Yowabu akamulasa palwanda, po akafwa.

2 Imbili 21:4

Bo u Yeholamu ikalana pabumwene ubwa wise, akabaghogha abawamwabo bosi, poka na makambala ghamo agha mu Izilayeli.

Nehemiya 6:2

u Sanibalati nu Geshemu bakantumila amazyu aghakuti, “Zagha tukomane mukaya kamo mwikombe ilya Ono.” Loli bakalondagha pakumbombela chimo ichintu ichibibi.

Yobu 11:15

po ukwiza pakutalankannya umwakusita isoni nazimozimo. Ukwiza pakwikalana umwakusita ubogha nabumobumo.

Masalimo 139:19

Wee Chala, nalondagha nkani, ngali wabaghoghagha abantu ababibi, umwakuti abantu abakukupula ibanda bepeko kukwane.

Masalimo 36:3

Amazyu agha mumulomo wache mabibi sona mazimbuli, alekite pakuba muntu uwamahala, umwakuti atakubomba nabumobumo ubwiza.

Masalimo 55:21

Amazyu ghache matonte nkani ngati mafuta agha lukama, loli mumoyo wache muli ubwite. Amazyu ghache matonte nkani ukuchila amafuta loli ghayanite bulo na bapanga.

Hoseya 4:2

Muli bulo inguno nu bumyasi nukughoghana, nu bwiba, sona nu bwamalaya. Ukubomba imbibi kwafika pabwenecho, sona abantu bakughoghana kabilikabili.

Mika 7:6

Pakuti umwana umulumendo akumusamula uwise, umulindu akumusambukila unyina, sona wepe umulasagha akumusambukila unyinavyala. Abalwani aba muntu wesi bo bamunyumba iyache ni yache.

Ukubelengiwa 35:20

Nanti umuntu akumuvwamilila umuntu uwamwabo nukumulasa ni chibombelo pachifukwa icha lubengo bulo nukumughogha,

Matayi 23:35

Pachifukwa icha kughogha abantu abiza bosi, ulufundo lukwiza pakuba papinyu, ukwandila pakughoghiwa ukwa Abeli mupaka pakughoghiwa ukwa Zekaliya umwana uwa Belakayi, yuyo mukamughogha pakasi pa Nyumba iya Chala ni chighemo.

Luka 11:51

ukwandila pakughoghiwa ukwa Abeli mupaka pakughoghiwa ukwa Zekaliya, yuyo akaghoghiwa pakasi pachighemo Mubuzilo Ubuzelu. Momumo, nkubabuzya ukuti abantu aba masiku agha bakwiza pakufundiwa bosi pachifukwa icha kughoghiwa ukwa bantu bala.

Luka 22:48

Loli u Yesu akati, “Yudasi, naloli ukumubika u Mwana uwa Muntu munyobe izya balwani pakumufyofyonta?”

Aba Hebeli 11:4

Lukaba lwitiko lulo lukamupela u Abeli akubika ichakwiyipa ichiza nkani kwa Chala ukuchila icha Kayini. Ukwendela mu lwitiko lwache u Chala akamunena pakuba mugholosu pantazi papache, pakuti u Chala akitikizya ivyabupi vyache. Sona pachifukwa icha lwitiko lwache, u Abeli achili akunena napapo afuye.

Aba Hebeli 12:24

Mwiza kwa Yesu yuyo mufusya uwa lufingo ulupya, sona kwibanda lilyo likanyafiliwa, lilyo likulayizya ivintu ivyizapo ukuchila ibanda ilya Abeli.

Yuda 1:11

Ichighune chabawile pakuti bakonka izila iya Kayini. Pachifukwa icha ndalama, bakananga ukuyana namumo akanangila u Balamu. Bakamusambukila u Chala ukuyana namumo u Kola akamusambukilila, po bakwiza pakunangika ngati weyuyo.