Ubwandilo 4:5 - IBAYIBOLO 2024

⁵ Loli u Mwene atakahoboka nu Kayini, po atakapokela ichakwiyipa chache. Pachifukwa chinichi u Kayini akakalala nkani nukusiluka icheni chache.

Ubwandilo 4:5 Iomraidhean Croise

Ubwandilo 31:2

U Yakobo akazyaghannya sona ukuti u Labani akamwennyanga ni lyiso ichesamu nukuchila pakwanda.

Ubwandilo 31:5

Po akababuzya akati, “Nazyaghannya ukuti ughuso akunyennya ni lyiso ichesamu. Loli u Chala uwise uwa tata wane akunyimila.

Ubwandilo 39:19

Bo usongo wache ivwa zizyo akamubuzya umuchi wache ukuti, “Umu momumo umubombi wako ambombeye,” po akakalala.

Yobu 15:13

Nkimba choni chicho ukulwana nu Chala nukumusamula na mazyu agha mumulomo wako?

Yobu 5:2

Ubukali bukumughogha umuntu umupunganu, sona akabini kakumunangannya umuntu umusita amahala.

Masalimo 20:3

Avipokelaye ivyakwiyipa vyako vyosi, sona ahobokaye ni vyakwiyipa vyako vyosi ivyakocha.

Ivyili 19:3

Ubupunganu ubwa muntu bukubunangannya ubumi bwache, pope bulo umoyo wache ghukumukalali u Mwene.

Ivyili 29:10

Umughoghi amubengite umuntu yuyo ate ninongwa, loli abantu abagholosu bakubupoka ubumi bwache.

Umulumbilili 4:4

Po nkazyaghannya ukuti imbombo zyosi inkafu sona ni mbombo izya bwafundi zikubombiwanga pachifukwa icha kabini kako umupalamani ali nako pa wamwabo. Vyope vinivi vite ni mbombo, sona ko kuyimba bulo.

Yesaya 3:9

Akabonekele aka vyeni vyabo kakubasusya, bakananga pabuzelu ngati mumo bakabombela abantu aba mu Sodomu, batakafisa nachimo. Chighune kukwabo! Bipalaghulila intamyo.

Ukubelengiwa 16:15

Po u Mozesi akakalala nkani nukumubuzya u Mwene ukuti, “Utakapokelaye ivyakwiyipa ivya bantu banaba. Ntabafyulitepo nayimo impunda pamo ukumunangila umuntu weka bulo.”

Matayi 20:15

Nkimba inte nu bulaghili ubwakubomba chicho nkulonda ni ndalama zyane? Pamo uli na kabini pachifukwa ichakuti ne mupi?’ ”

Imbombo 13:45

Bo aba Yuda bennya ichilundilo icha bantu chila, bakizula na kabini. Akanena ukuti zizyo u Pabuli akunena zyabumyasi sona bakamusamula nkani u Pabuli.

Aba Hebeli 11:4

Lukaba lwitiko lulo lukamupela u Abeli akubika ichakwiyipa ichiza nkani kwa Chala ukuchila icha Kayini. Ukwendela mu lwitiko lwache u Chala akamunena pakuba mugholosu pantazi papache, pakuti u Chala akitikizya ivyabupi vyache. Sona pachifukwa icha lwitiko lwache, u Abeli achili akunena napapo afuye.

Yuda 1:11

Ichighune chabawile pakuti bakonka izila iya Kayini. Pachifukwa icha ndalama, bakananga ukuyana namumo akanangila u Balamu. Bakamusambukila u Chala ukuyana namumo u Kola akamusambukilila, po bakwiza pakunangika ngati weyuyo.

1 Samuweli 16:7

Loli u Mwene akamubuzya u Samuweli akati, “Utakennyanje akabonekele kache, pamo ubutali bwache, pakuti ane namukana. U Mwene atakwennya ukuyana namumo abantu bakwenezezya. Abantu bakwennya akabonekele, loli u Mwene akwennya mumoyo.”