Ubwandilo 4:4 - IBAYIBOLO 2024

⁴ Po u Abeli wepe akasenda umwana uwa ng'ozi uwakwanda pakupapiwa, akamughogha nukusala ivigaba ivyiza nkani nukuvibika kwa Mwene ukuti chibanje chakwiyipa. U Mwene akahoboka nkani nu Abeli nukupokela ichakwiyipa chache.

Ubwandilo 4:4 Iomraidhean Croise

Ubwandilo 15:17

Bo izuba lyinjila, sona bo ichisi chawa, umwakunyomosya bulo isonta iya moto uwakwaka poka ni chikoka ichakwaka vikadumusannya pakasi na pakasi pavigaba ivya nyama zila.

Ubwandilo 4:3

Bo pachilapo akabalilo u Kayini akasenda inyinulo yache panandi nukuvibika kwa Mwene ukuti chibanje chakwiyipa.

1 Abamwene 18:24

Po mumwitizye u chala winyu, nane nkwiza pakumwitizya u Mwene. Uchala yuyo akwiza pakwamula numoto kokuti we Chala.” Po abantu bosi bakamula bakati, “Wanena akiza bulo.”

1 Abamwene 18:38

Po u Mwene akawisizya umoto pa chakwiyipa ichakocha na pankwi sona napa mabwe na pachisu, umoto ghula ghukakamula amizi muchiliba mula.

1 Imbili 21:26

U Devedi akamuzengela u Mwene ichighemo palapala nukubika ivyakwiyipa ivyakocha, nivyakwiyipa ivyabupoka. Akiputa, po u Mwene akamwamula pakumutumila umoto ukuti ghulungulizye ichakwiyipa pachighemo pala.

2 Imbili 7:1

Bo u Solomoni amala pakwiputa, umoto ghukika kumwanya nukuchilungulizya ichakwiyipa ichakocha ni vyakwiyipa, po ubuchindamu ubwa Mwene bukizula mu Nyumba yila.

Masalimo 20:3

Avipokelaye ivyakwiyipa vyako vyosi, sona ahobokaye ni vyakwiyipa vyako vyosi ivyakocha.

Ukufuma 13:12

mumupaghulilaye u Mwene ukatote wesi umulumendo. Ichitekwa chosi ichanavuli ichakwanda pakupapiwa chibanje cha Mwene.

Ivyili 3:9

Umuchindikaye u Mwene nu bukabi bwako ni nyinulo yako yosi iyakwanda.

Umulumbilili 4:4

Po nkazyaghannya ukuti imbombo zyosi inkafu sona ni mbombo izya bwafundi zikubombiwanga pachifukwa icha kabini kako umupalamani ali nako pa wamwabo. Vyope vinivi vite ni mbombo, sona ko kuyimba bulo.

Aba Levi 9:24

Panapo na panapo u Mwene akatuma umoto nukocha ichakwiyipa ichakocha chila, ni vipuza ivya mafuta pachighemo pala. Bo abantu bosi bawennya umoto ghula, bakakolomoka nukufughama pakumwiputa u Mwene.

Ukubelengiwa 16:15

Po u Mozesi akakalala nkani nukumubuzya u Mwene ukuti, “Utakapokelaye ivyakwiyipa ivya bantu banaba. Ntabafyulitepo nayimo impunda pamo ukumunangila umuntu weka bulo.”

Ukubelengiwa 16:35

Po u Mwene akabawisizya umoto uwakwaka nukubalungulizya abantu 250 bala, babo bakafukizya utwakununkila.

Ukubelengiwa 18:12

“Nabapa amafuta amiza nkani nu vinyo wesi umwiza nkani, ni ngano yosi inyiza, sona ni vikomwa vyosi ivyakwanda pakutona, vivyo abantu bakumupa u Mwene.

Ukubelengiwa 18:17

“Loli mutakayitabulaye ingwata iyakwanda pakupapiwa pamo umwana uwa ng'ozi pamo umwana uwa mbuzi pakuti vizelu. Ulinyafile ibanda lyache pachighemo nukocha amafuta ghache ukuti chibanje chakwiyipa ichakocha, chicho umunusi wache ghukumuhobosya u Mwene.

Aba Hebeli 11:4

Lukaba lwitiko lulo lukamupela u Abeli akubika ichakwiyipa ichiza nkani kwa Chala ukuchila icha Kayini. Ukwendela mu lwitiko lwache u Chala akamunena pakuba mugholosu pantazi papache, pakuti u Chala akitikizya ivyabupi vyache. Sona pachifukwa icha lwitiko lwache, u Abeli achili akunena napapo afuye.

Aba Hebeli 9:22

Naloli, ukuyana ni Ndaghilo izya Mozesi, papipipipi ichintu chosi chikuswefiwa ni banda, sona imbibi zikuhobokeliwa nanti ibanda lyatonya.

Ubuvumbuli 13:8

Abantu abakwikala muchisu ichapasi bakwiza pakuchiputa ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.

Abalongi 6:21

Uwantumi uwa Mwene akasenda indisa nukupalamasya nayo inyama yila poka ni chibama chicho chite ni chilungo. Panapo na panapo umoto ghukaka pilyalabwe pala pakulungulizya inyama poka ni chibama chicho chite ni chilungo chila. Po uwantumi uwa Mwene akazyebeluka bulo.

1 Samuweli 15:22

Loli u Samuweli akati, “Nkimba u Mwene akuhoboka ni vyakwiyipa ivyakocha, sona ni vyabupi pamo ukughivwila amazyu ghache? Ukwivwila chintu chizapo ukuchila ichakwiyipa, ukughakonka amalamulo ghache chizapo, ukuchila ichakwiyipa icha mafuta agha dubi.