Ubwandilo 4:15 - IBAYIBOLO 2024

¹⁵ Po u Mwene akamwamula akati, “Awe, nanti umuntu yumo akumughogha u Kayini, abantu seveni bakwiza pakughoghiwa umwakutanizyapo.” U Mwene akabika ichimanyilo pa Kayini pakumusoka umuntu wesi yuyo akomana nu Kayini ukuti atakamughoghe.

Ubwandilo 4:15 Iomraidhean Croise

Ubwandilo 4:24

Nanti abantu seveni bakaghoghiwa umwakutanizyapo pachifukwa icha kumughogha u Kayini, kokuti abantu 77 bakwiza pakughoghiwa umwakutanizyapo nanti umuntu yumo angangogha.”

1 Abamwene 16:7

Pope bulo u Mwene akanena sona nu mulaghuzi u Yehu umwana uwa Hanani ukuti amubuzye u Baasha na bamunyumba yache, pachifukwa icha mbibi zyosi zizyo u Baasha akabomba pamaso pa Mwene. Akamukalalizya u Mwene, te pachifukwa chene ichakuti akananga ukuyana namumo u Yelobowamu akanangila awe, loli pachifukwa ichakuti akabaghogha bosi abamunyumba iya Yelobowamu.

Masalimo 59:11

Wee Mwene ingulu yitu, loli utakabaghoghaye, lumo abantu bane bangaluvya, Ubanyampannye na maka ghako, sona ubawisizye pasi.

Masalimo 79:12

Wee Mwene ubatanizyanje akaseveni abantu aba inko izinji, pachifukwa icha ntuko zizyo bakukusamula nazyo.

Ivyili 6:31

Pope bulo nanti alemiwa, akunyosezyapo akaseveni; napapo angatagha ukatundu wesi uwa munyumba yache.

Ezekiyeli 9:4

Akamubuzya akati, “Buka mukaya akakulu nkani mosi mu Yelusalemu nukubikapo ichimanyilo pavyeni vyabo bosi babo bali nichitima nukulila, pachifukwa icha vintu ivyamwiko vivyo vikubombiwa mulamula.”

Ezekiyeli 9:6

Mubaghoghe abaghosi na balumendo na balindu na bakolo sona na bana loli utakamupalamasye yuyo ali ni chimanyilo. Anda pabuzilo bwane ubuzelu.” Po bakanda na baghosi babo bakaba pantazi pa Nyumba iya Chala.

Hoseya 1:4

U Mwene akamubuzya u Hoseya akati, “Umwite ukuti we Yezileli, pakuti lunulu bulo nkwiza pakubafunda abamunyumba iya Yehu, pachifukwa icha kukupula ibanda mwikombe ilya Yezileli, sona nkwiza pakubumazya ubumwene ubwa Izilayeli.

Aba Levi 26:18

Loli pope bulo nanti mutakunyivwila, nkwiza pakubafunda umwakonjelezyapo akaseveni pachifukwa icha mbibi zyinyu.

Aba Levi 26:21

“Nanti mukwendelela pakunsambukila, nukukana pakunyivwila, nkwiza pakubatumila iviwaya umwakonjelezyapo akaseveni ukuchila pambibi zyinyu.

Aba Levi 26:24

nane bulo nkwiza pakubasula, sona nkwiza pakubafunda umwakonjelezyapo akaseveni ukuchila pakwanda pachifukwa icha mbibi zyinyu.

Aba Levi 26:28

nane nkwiza pakubasula mubukali bwane, sona nkwiza pakubafunda umwakonjelezyapo akaseveni pachifukwa icha mbibi zyinyu.

Matayi 26:52

U Yesu akamubuzya akati, “Nyosezya upanga wako mubuzilo bwache. Pakuti abantu bosi babo bakubombezya upanga bakwiza pakufwa nupanga.

Ubuvumbuli 14:11

Ilyosi ilya moto ghugho ghukubayivya likukwela kumwanya bwila na bwila. Abantu babo bakachiputagha ichinyamana ni chifwani chache, sona nukwitika ukuti badindiwe ichidindo icha itabwa lyache batakubwaghapo nalumolumo ubutuzyo umusanya pamo ubusiku.

Ubuvumbuli 14:9

Po uwantumi uwabutatu akakonkapo nukunena nizyu ilya pamwanya ukuti, “Umuntu wesi yuyo akuchiputa ichinyamana ni chifwani chache nukwitika ukuti adindiwe ichidindo chache pacheni pamo panyobe,