Ubwandilo 4:14 - IBAYIBOLO 2024

¹⁴ Ilelo ukunchimbizyamo muchisu ichi sona ukunyefya pamaso papako. Nkwiza pakuba muntu uwakwendakwenda bulo, sona nu musita kwikalana pachisu ichapasi. Umuntu wesi yuyo akunyagha, akwiza pakungogha.”

Ubwandilo 4:14 Iomraidhean Croise

Ubwandilo 3:24

Bo amwefyamo u Adamu mumughunda ghula, u Chala akabika abakelubi kubufumilo bwizuba uwa mughunda ghula. Akabika sona upanga uwakwaka yuyo akazyungulila kosi na kosi pakwighalila izila ukuti nayumo umuntu atakapalamilaye kwikwi ilyakupa ubumi lila.

Ubwandilo 4:13

U Kayini akamubuzya u Mwene akati, “Ulufundo ulu lwachila amaka ghane.

2 Samuweli 14:7

Losi ulu, uluko losi lwansambukila ane ne wambombo wako, sona bakuti, ‘Mubike munyobe zyitu umwana wako yuyo akamughogha uwamwabo, umwakuti wepe tumughoghe, pachifukwa icha wamwabo yula. Bunubu tukwiza pakumughogha uwampyana yula.’ Abantu banaba bakwiza pakumughogha umwana wane yuyo asyalako. Po itabwa ilya mulume wane likwiza pakuzimila, sona atakwiza pakuba nu mwizukulu nayumoyumo pachisu ichapasi.”

Masalimo 109:10

abana bache balabayelabaye bulo, sona babachimbizyanje muvisami vyabo.

Masalimo 109:12

Patakabepo nayumoyumo umuntu uwakumupelela ichisa, pamo pakubapelela abalanda.

Masalimo 143:7

Wee Mwene, unyamule lubilolubilo, pakuti umuzimu wane wadedebala. Utakanfisilaye icheni chako, lumo ningayana na bantu babo bali mwipumpa.

Ivyili 14:32

Umuntu umubibi akunangika pachifukwa icha bubibi bwache, loli umuntu umugholosu akuba na pakuponela napapo angafwa.

Ivyili 28:1

Umuntu umubibi akuchimbila mwene bo nayumoyumo akumuchimbizya, loli umugholosu akubanga mujivu ngati nkalamu.

Yesaya 8:22

Po bakwiza pakwennya pachisu ichapasi intamyo, nububavu ubukulu nkani ni chisi ichakoghofya, bakwiza pakutaghiwa muchisi.

Yelemiya 52:3

U Mwene akakalala nkani pachifukwa ichakuti ivintu vyosi vinivi vikabombiwa mu Yelusalemu na mu Yuda. Po pabumalilo pache akabefyapo pamaso papache. Po u Zedekiya akamusambukila u mwene uwamu Babiloni.

Hoseya 13:3

Polelo bakwiza pakubanga ngati we kabefu uwa pandabindabi, sona bakwiza pakubanga ngati nganda yiyo yikulaghala bulo, abantu banaba bakwiza pakubanga ngati lyelelo lilyo likupupuka, sona ngati lyosi lyilo likufuma pibwindo.

Aba Levi 26:17

Nkwiza pakubapa inkonto, umwakuti abalwani binyu babapote, sona abantu babo bababengite bakwiza pakubalaghila. Mukwiza pakuchimbila, napapo nayumoyumo atabachimbizizye.”

Aba Levi 26:36

Abantu babo basyalako, nkwiza pakubapelela ubogha muvyisu ivya balwani babo, umwakuti bakwiza pakuchimbila bo bivwa umuswato. Bakwiza pakuchimbilagha ngati muntu yuyo akuchimbila ubwite, sona bakwiza pakuwanga pasi, pakusita nayumo umuntu uwakubachimbizya.

Ukubelengiwa 35:19

Uwamwabo uwa muntu umufwe yula atanizyanje pachifukwa icha bufwe bula. Nanti akomana bulo nu muntu umughoghi yula, wepe amughoghe.

Ukubelengiwa 35:21

pamo pakumughogha ni nkonya, kokuti wepe aghoghiwanje. Umuntu yunuyu kokuti mughoghi. Uwamwabo uwa muntu umufwe yula amughoghe umuntu umughoghi yula nanti akomana nawe.

Ukubelengiwa 35:27

po uwamwabo uwa mufwe yula nanti amwagha nukumughogha, kokuti atakupalaghula inongwa iya bughoghi.

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Matayi 25:46

Po abantu bala bakwiza pakufundiwa bwila na bwila, loli abagholosu bakwiza pakwinjila mubumi ubwa bwila na bwila.”

Ukukumbusya Amalamulo 28:64

Pisinda pache u Mwene akwiza pakubanyampanikizya pakasi pa inko zyosi, ukwandila ko kumpaka iya chisu ichapasi mupaka iyinji. Kulakula mukwiza pakubiputa abachala abanji, babo bapangiwe na makwi, sona na mabwe, abachala babo amwe pamo abanyenya binyu mutabamenyepo nalumo.

Ukukumbusya Amalamulo 28:65

Mutakwiza pakuwagha naghumoghumo umutende pakasi pa inko izinji, pamo ubuzilo ubwakutuzyapo ubwinyu nu bwinyu. U Mwene akwiza pakughapela amoyo ghinyu pakuba mumwanyamwanya bulo, na bafwamaso, sona na basulumannye.

2 Aba Tesalonika 1:9

Bakwiza pakuyimba nu lufundo ulwa bwila na bwila, batakwiza pakwennyapo nalumolumo icheni icha Mwene, pamo ubuchindamu ubwa maka ghache.