Ubwandilo 4:11 - IBAYIBOLO 2024

¹¹ Ilelo waghuniwa, utakwiza pakulima sona mwitope, lilyo lyang'wela ibanda ilya muzuna wako, lilyo wakupula ni nyobe zyako.

Ubwandilo 4:11 Iomraidhean Croise

Ubwandilo 3:14

Po u Mwene u Chala akayibuzya injoka akati, “Pachifukwa ichakuti wabomba bunubu, waghuniwa ukuchila ivinyamana vyosi, ivitekwa ni vinyamana vyosi ivya muzi! Ukwanda umusanya ughu, ukwiza pakwendelagha ulwanda lwako, po ukwiza pakulyanga ulufumbi mubumi bwako bosi.

Ubwandilo 4:14

Ilelo ukunchimbizyamo muchisu ichi sona ukunyefya pamaso papako. Nkwiza pakuba muntu uwakwendakwenda bulo, sona nu musita kwikalana pachisu ichapasi. Umuntu wesi yuyo akunyagha, akwiza pakungogha.”

Ubwandilo 5:29

U Lameki akati, “Ukufuma kwitope lilyo u Mwene akalighuna, ukwendela mu mwana yunuyu tukwiza pakupepuliwa kumbombo zyitu inkafu.” Po akamwita ukuti we Nowa.

Yobu 16:18

Wee chisu ichapasi, utakafisaye ivibibi vivyo bakukubombela. Utakitikizye ukuti ukulila kwane kubwaghe ubutuzyo!

Yesaya 26:21

Ennya, u Mwene akufuma mubuzilo bwache ubwakwikalamo, pakubafunda abantu aba pachisu ichapasi pa pachifukwa icha mbibi zyabo. Po ichisu chikwiza pakuvumbula ibanda lilyo lyakupukilapo papache, ichisu ichapasi chikwiza pakubavumbula abantu babo bakaghoghiwa.

Aba Galatiya 3:10

Abantu bosi babo bakusubila Indaghilo baghuniwe pakuti Amasimbo ghakuti, “Aghuniwanje umuntu wesi yuyo atakukonka vyosi vivyo visimbiwe mwibuku ilya Ndaghilo izya Mozesi.”

Ubuvumbuli 12:16

Loli ichisu ichapasi chikamwavwa umukolo yula. Ichisu ichapasi chikasama ku mulomo wache nukulumila ulusoko lulo inyivwila yila yikalufwinagha.