Ubwandilo 39:3 - IBAYIBOLO 2024

³ yuyo akennya ukuti u Mwene akaba nawe u Yosefu, sona akamusaya muvintu vyosi vivyo akabombagha.

Ubwandilo 39:3 Iomraidhean Croise

Ubwandilo 21:20

U Chala akamusungilila akiza umwana yula, bo akukula munkolongo iya Palani. Po akaba muntu umubingi umukulu nkani.

Ubwandilo 21:22

Pakabalilo kalakala u Abimeleki nu Fikolo usongo uwa basilikali akabuka kwa Abulahamu nukuti, “U Chala ali nawe muvyosi vivyo ukubomba.

Ubwandilo 21:23

Polelo lapa pano pamaso pa Chala ukuti utakwiza pakunzimbula ane, pamo abana bane, pamo abaluko lwane. Ane nkaba ne muntu umusubiliwa pamaso papako, po nawe lapa ukuti ukwiza pakuba we muntu umusubiliwa pamaso papane muchisu chicho mukwikalamo.”

Ubwandilo 26:24

Ubusiku bulabula u Mwene akamubonekela nukuti, “Ane ne Chala uwa ghuso u Abulahamu. Utakanyilaye pakuti indi nawe. Nkwiza pakukusaya, sona abaluko lwako bakwiza pakuba binji nkani pachifukwa icha layizyo lilyo nkamulayizya uwambombo wane u Abulahamu.”

Ubwandilo 26:28

Bakamula bakati, “Losi ulu twazyaghannya ukuti u Mwene ali nawe, po twadumula ukuti pakasi papitu nawe pabanje ulufingo.

Ubwandilo 30:27

Loli u Labani akamwamula akati, “Unyitikizye ukuti inene ivyakusingo. Ane nazimanya pachifukwa icha vimanyilo ukuti u Mwene ansaya pachifukwa icha wewe.

Ubwandilo 30:30

Utunandi tuto ukaba nato bo intizite kuno, ilelo twanyamana umwakuchilapo, sona u Mwene akusaya pachifukwa icha nene. Loli ilelo ko kabalilo akakuti nane niyimile pa nemwene?”

Ubwandilo 39:2

U Mwene akaba nu Yosefu po akamwavwa ukuti ivintu vyosi vimwendele akiza bulo. Akikalagha munyumba iya Potifala usongo uwamu Ijiputi,

Ubwandilo 39:21

u Mwene akaba nawe. Akamupelela ichisa umwakuti umulindilili uwa jele akahoboka nawe.

Ubwandilo 39:23

Umulindilili uwa jele yula akazisula imbombo zyosi zizyo u Yosefu akabaghila pakubomba, pachifukwa ichakuti u Mwene akaba nawe, sona ivintu vyache vyosi vikamwendelagha akiza.

2 Abamwene 18:7

U Mwene akaba nawe, po ivintu vyosi vivyo akabombagha vikamwendelagha akiza. U Hezekiya akamusambukila u mwene wamu Asiliya, umwakuti akakana pakumubombela.

1 Imbili 22:13

Nanti ukuzikonka indaghilo zizyo u Mwene akamupa u Mozesi ukuti abape aba Izilayeli, po ivintu vikwiza pakukwendela akiza nkani. Ujimbaye, sona ubanje nu lweke. Utakanyilaye pamo ukuwa amaka.

1 Imbili 9:20

Pakabalilo kamo u Finehasi umwana uwa Eleyazala akaba mulaghili wabo, po u Mwene akaba nawe.

2 Imbili 1:1

U Solomoni umwana uwa Devedi akabwikazya ubumwene bwache, pakuti u Mwene u Chala wache akaba nawe nukumupela pakuba muntu wamaka nkani.

2 Imbili 26:5

Akamubuzikizya u Chala pakabalilo aka Zekaliya, yuyo akamumanyisya ukumunyila u Chala. Pakabalilo kosi kako akamubuzikizyanga u Mwene, wepe u Chala akamupela ukuti ivintu vimwendelaye akiza.

Nehemiya 2:20

Nkabamula nkati, “U Chala uwakumwanya akwiza pakutwavwa ukuti ivintu vitwendelaye akiza. Aswe twe babombi bache tukwiza pakwanda imbombo iyakuzenga sona. Loli amwe mute ni chigaba, pamo ubulaghili, pamo imbili nayimoyimo mu Yelusalemu muno.”

Masalimo 1:3

Umuntu yunuyu ayanite bulo nikwi ilya mulubazu ulwalusoko, lilyo likwela ivikomwa pakabalilo kache, amani ghache ghatakufoka. Vyosi vivyo akubomba vikumwendela akiza.

Zekaliya 8:23

U Mwene Uwamaka Ghosi akuti, “Pakabalilo kalakala, abanavuli 10 abakufuma mu neno zyosi sona naba mu inko izinji, bakwiza pakuyilema nkani inkazo iya mu Yuda yumo nukuti, ‘Tubukaye nawe, pakuti twivwa ukuti u Chala ali nawe.’ ”

Matayi 5:16

Momumo namwe ulukozyo lwinyu lulamaye pabantu, ukuti bennyanje imbombo zyinyu inyiza nukumupala Utata winyu uwakumwanya.

1 Aba Kolinti 16:2

Isiku ilyakwanda ilya sabata, umuntu wesi asabulepo indalama zimo, ukuyana namumo akabila, nukuzisunga, umwakuti kutakabeko nakumo ukusanguzya bo nafika.

Ukukumbusya Amalamulo 2:7

U Mwene u Chala winyu abasaya amwe pambombo zyosi zizyo mwabomba. Abasungilila akiza pabulendo bwinyu munkolongo inkulu yila. U Mwene u Chala winyu abanga namwe amaka 40 ghosi ghanagha, sona mutakasobelwapo ichintu nachimochimo.

Yoshwa 1:9

Ukumbuke ukuti nkakulamula ukuti ubanje nulweke, sona ujimbaye nkani. Utakanyilaye pamo ukuwa amaka, pakuti ane ne Mwene u Chala wako, nkwiza pakuba nawe kosi kuko ukubuka.”

Ubuvumbuli 3:9

Balipo abantu bamo muchipanga icha Satana, babo bakwinena bene ukuti ba Yuda, loli bate ba Yuda, awe. Abantu banaba nkwiza pakubapela ukuti bize kukwako nukulamba pasi pa nyayo zyako. Bosi bakwiza pakumanya ukuti ane nkughanite.

1 Samuweli 18:14

U Devedi akapotagha nkani muvyosi, pachifukwa ichakuti u Mwene akaba nawe.

1 Samuweli 18:28

Bo u Sabuli azyaghannya ukuti u Mwene akaba nu Devedi, sona nukuti umwana wache umulindu u Mikali akamughana nkani u Devedi,

1 Samuweli 3:19

U Samuweli akakulagha, sona u Mwene akaba nawe, umwakuti zyosi zizyo u Samuweli akanenagha zikakwanilisiwanga.