Ubwandilo 39:21 - IBAYIBOLO 2024

²¹ u Mwene akaba nawe. Akamupelela ichisa umwakuti umulindilili uwa jele akahoboka nawe.

Ubwandilo 39:21 Iomraidhean Croise

Ubwandilo 21:22

Pakabalilo kalakala u Abimeleki nu Fikolo usongo uwa basilikali akabuka kwa Abulahamu nukuti, “U Chala ali nawe muvyosi vivyo ukubomba.

Ubwandilo 39:2

U Mwene akaba nu Yosefu po akamwavwa ukuti ivintu vyosi vimwendele akiza bulo. Akikalagha munyumba iya Potifala usongo uwamu Ijiputi,

Ubwandilo 39:3

yuyo akennya ukuti u Mwene akaba nawe u Yosefu, sona akamusaya muvintu vyosi vivyo akabombagha.

Ubwandilo 39:4

U Potifala akahoboka nkani nu Yosefu nukumubika pakuba mubombi wache nu mwenelezi uwa nyumba yache poka ni vintu vyosi vivyo akaba navyo.

Ubwandilo 40:3

Akabighalila mujela nukubabika munyobe izya musilikali usongo yuyo akalindililagha kunyumba iya mwene yula, mujela mumo u Yosefu akasungiwa.

Masalimo 105:19

Po vivyo akanenela zila vikakwanilisiwa, sona amazyu agha Mwene ghakasimikizya ukuti atakananga.

Masalimo 105:22

Akaba we songo uwa makambala agha mwene, nukubamanyisya amahala abasongo.

Masalimo 106:46

Akaghisya amoyo agha bantu babo bakabalema pakuba bazya ukuti abapelele ichisa abantu bache.

Ukufuma 11:3

U Mwene akabapela aba Ijiputi pakubapelela ichisa aba Izilayeli. U Mozesi akaba muntu umuchindikiwa nkani mu Ijiputi, na pamaso pa makambala agha Falabo, sona na pamaso pabantu bosi.

Ukufuma 12:36

U Mwene akabapela aba Ijiputi pakubapelela ichisa aba Izilayeli, po bakabapa vivyo bakabalaba. Pakubomba bunubu aba Izilayeli bakabafyula aba Ijiputi ubukabi bwabo.

Ukufuma 3:21

“Nkwiza pakubapela aba Ijiputi ukuti babachindikaye abantu bane, umwakuti bo bakubuka, batakabuke nyobe zyene.

Ivyili 16:7

Nanti inkalo iya muntu yikumuhobosya u Mwene, bope abalwani bache bakuba nawe mumutende.

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 43:2

Bo ukuloboka pamizi, nkwiza pakuba nawe, sona bo ukuloboka isoko, zitakwiza pakukudwibizya. Bo ukwenda pamoto, utakwiza pakupya, ghutakwiza pakukulungulizya, indimi izya moto zitakwiza pakubazimizya.

Daniyeli 1:9

U Chala akamupa usongo uwa makambala yula u moyo uwakuti amupelele ichisa u Daniyeli.

Daniyeli 6:22

U Chala wane atumite uwantumi wache nukwighalila imilomo iya nkalamu. Wee mwene, zitakanvulazya napo panandi pachifukwa ichakuti intakaba ninongwa nayimoyimo pamaso papache pamo ukukubombela chimo ichibibi pamaso papako.”

Aba Loma 8:37

Awe, loli muvintu vyosi vinivi twe bapoti ukwendela mu yuyo akatughana aswe.

1 Pitala 3:17

Chizapo pakuyimba pachifukwa ichakubomba imbombo inyiza, nanti bo bwighane ubwa Chala nukuchila pakuyimba pachifukwa ichakubomba ububibi.