Ubwandilo 39:20 - IBAYIBOLO 2024

²⁰ Panapo na panapo akamusenda u Yosefu nukumwighalila mujele mumo abakayidi abamwene aba mu Ijiputi bakasungiwangamo. Loli bo u Yosefu ali mujele mulamula,

Ubwandilo 39:20 Iomraidhean Croise

Ubwandilo 40:15

Pakuti naloli nkibiwa muchisu icha ba Hebeli, sona na kuno bulo intanangitepo nachimo ichakuti banyighalile nacho mujele.”

Masalimo 76:10

Naloli ubukali bwako pabantu bukukupanga amapalo, po abantu babo bapona ku bukali bwako bakwiza pakukuchindika.

Yesaya 53:8

Ukusamuliwa kwache kutakamuvighilila nukumulongela. Nkimba wewenu yuyo akinong'onelako na chicho akayimbilagha? Pakuti akefiwamo muchisu icha bumi. Akakomiwa pachifukwa icha bubibi ubwa bantu bane.

Yelemiya 37:15

Amakambala ghakamukalalila u Yelemiya, bakamukoma nukumwighalila munyumba iya musimbi u Yonatani, yiyo bakayipela pakuba jele.

2 Timoti 2:9

Ichi cho chifukwa nkuyimba, sona impinyiwe ni mpingu ngati ne munanga Ndaghilo. Loli amazyu agha Chala ghatapinyiwe ni mpingu, awe.

Aba Hebeli 11:36

Abantu bamo bakasamuliwa nukusyempiwa, sona abanji bakabapinya ni mpingu nukubighalila mujele.

1 Pitala 2:19

Pakuti chintu chizapo nanti umuntu akujimba nkani intamyo zizyo atabaghiye pakukomana nazyo, pachifukwa ichakuti abwaghannya ubwighane ubwa Chala.