Ubwandilo 39:12 - IBAYIBOLO 2024

¹² Umukolo yula akalema inkazo iya Yosefu nukuti, “Ghona nane.” Loli u Yosefu akafyuntumula nukumuleka alemeleye inkazo munyobe, po akachimbila nukufumila kuzi.

Ubwandilo 39:12 Iomraidhean Croise

Ubwandilo 39:10

Napapo akamulabagha u Yosefu isiku ni siku ukuti aghonane nawe, atakamwivwila, pamo pakuba poka nawe.

Ubwandilo 39:11

Loli isiku limo u Yosefu akinjila munyumba pakubomba imbombo yache, sona patakabapo nayumoyumo uwamwabo uyunji munyumba mula.

Ubwandilo 39:13

Bo umuchi uwa Potifala ennya ukuti u Yosefu afyuntumula nukumulekela inkazo yache munyobe, sona nukuti achimbilila kuzi,

Ubwandilo 39:8

Loli u Yosefu akakana nukumubuzya umuchi uwa songo wache ukuti, “Teghelezya, nkimba utazimenye ukuti usongo wane ansubiye pakundekela ukatundu wache? Atakupalamaziwapo nachimochimo chicho chili muno pachifukwa ichakuti indi pano.

2 Samuweli 13:11

Loli bo amupalamizizya u Amunoni ichakulya chila, akamulema u Tamala nukuti, “Wee muyemba wane, zagha ingonane nawe.”

Ivyili 1:15

Wee mwana wane, utakabukaye poka nabo, utakachele pakukanya izila zizyo bakwendamo.

Ivyili 5:8

Umuleghukaye umukolo yunuyu, utakapalamilaye na kumulyango uwa nyumba yache.

Ivyili 6:5

Wipoke wemwene ngati yo mbabala yiyo yapona munyobe izya mubingi, ngati chiyuni chicho chafyuntumuka muchipingo.

Umulumbilili 7:26

Nkachagha ichintu chimo chakubaba nkani ukubuchila ubufwe, umukolo yuyo umoyo wache ghuli ngati cho chipingo, sona inyobe zyache zili ngati bo bunyololo. Umuntu yuyo akumuhobosya u Chala akumuleghuka umukolo yunuyu, loli umuntu umubibi akulemiwa ni chipingo chache.

1 Aba Kolinti 15:33

Mutakizimbulaye mwebene, “Abamanyani ababibi bakunanga inkalo inyiza.”

2 Timoti 2:22

Leghukako kuvinyonywa ivya chilumendo, sona ubukonkaye ubugholosu nu lwitiko nu lughano nu mutende, poka na bantu babo bakumuchindika u Mwene nu moyo umuzelu.

1 Pitala 2:11

Mwee bamanyani bane abaghaniwa, nkubalaba amwe pakuti mwe bayeni, sona na bendazila muchisu ichapasi ukuti muvileghuke ivinyonywa ivya mubili, vivyo akabalilo kosi vili pabwite nu muzimu winyu.

1 Samuweli 15:27

Bo u Samuweli aghalabuka ukuti abukaye, u Sabuli akalema muntende munkazo yache, po inkazo yila yikazepuka.