Ubwandilo 38:9 - IBAYIBOLO 2024

⁹ Loli u Onani akazimanya ukuti abana batakwiza pakuba bache, akabalilo kosi kako akaghonagha nu mukoyi wache, akakupulilagha pasi ubwanavuli bwache, umwakuti atakamupapile abana umukulu wache.

Ubwandilo 38:9 Iomraidhean Croise

Ubwandilo 38:10

Zizyo akabombagha u Onani zitakamuhobosya u Mwene, po wepe akamughogha.

Yobu 5:2

Ubukali bukumughogha umuntu umupunganu, sona akabini kakumunangannya umuntu umusita amahala.

Ivyili 27:4

Ubukali bukupela umoyo pakuba mupalapala, loli akabini ko kako kachilitepo.

Ukukumbusya Amalamulo 25:5

Nanti abanamuntu bakwikala poka, po nanti weka afwa umusita abana abalumendo, umukolo umufwilwe yula atakasendiwanje nu muntu bulo, yuyo ate wa munyumba yila. Loli uwamwabo uwa muyazi yula umupyane umufwilwe yula ukuti endelele pakubomba imbombo yiyo uwamwabo akayileka.

Ukukumbusya Amalamulo 25:6

Umwana umulumendo uwakwanda uwa mukolo umufwilwe yula asende itabwa ilya wise umuyazi, umwakuti itabwa lyache litakazimile mu Izilayeli.

Titi 3:3

Pakuti naswe bulo akabalilo kamo tukaba bapunganu, abasita ukwivwila, sona na bakusobela. Tukaba bazya aba vinyonywa ivibibi, sona ni vintu vyosi ivyakulekanalekana ivyakuhobosya umubili. Tukalindagha mumbibi na mukabini. Abantu abanji bakatubenga, sona naswe bulo tukababenga.

Yakobo 3:14

Loli nanti mumoyo ghinyu muli na kabini nu bukali, sona nukwiyighana, mutakitutumulaye pachifukwa icha mahala ghinyu. Pakubomba bunubu kokuti mukubusula ubwanaloli.

Yakobo 3:16

Pakuti kuko kuli akabini nukwiyighana, ko kuko kuli sona ukuvulungana nu bubibi ubwakulekanalekana.

Yakobo 4:5

Mutakinong'onaye ukuti butalimo ubwanaloli mu Masimbo ghagho ghakuti, “U Muzimu Umuzelu yuyo u Chala akabika mumwitu akutunyonywa aswe nu buzuba.”

Luti 1:11

Loli u Nabomi akati, “Mwee bana bane, bwelagha. Nkimba choni chicho mukulonda pakubuka poka nane? Fwandi mukwinong'ona ukuti ningapapa sona abana abanji, babo bangaba balume binyu?

Luti 4:10

Ukonjelezyapo nu Luti wepe umu Mowabu, umufwilwe uwa muyazi u Maloni yula, aba muchi wane, umwakuti itabwa ilya muyazi yula lyendelelaye pachilingo chache. Bunubu itabwa lyache litangazimila pakasi pa bakamu bache, sona na mukaya akakulu aka. Ilelo mwebosi mwe bakaboni.”