Ubwandilo 38:5 - IBAYIBOLO 2024

⁵ Akapapa sona umwana umulumendo yuyo bakamwita ukuti we Shela. Bo u Shela apapiwa, u Yuda akaba mu Kezibu.

Ubwandilo 38:5 Iomraidhean Croise

Ubwandilo 38:11

U Yuda akamubuzya u Tamala umulasagha wache yula akati, “Nyokela kwa ghuso, sona utakasendiwe mupaka papo umwana wane u Shela akula.” Akanena zinizi pachifukwa ichakuti akanyilagha ukuti umwana wache angafwa ngati mumo bakafwila abamwabo. Po u Tamala akabuka nukwikala munyumba iya wise.

Ubwandilo 38:26

Bo u Yuda avimanya ivintu vila akati, “Naloli akunena ubwanaloli. Nene nkamunangila pakuti intakamupa umwana wane u Shela pakuba mulume wache.” Po u Yuda atakaghona nawe sona umukolo yula.

Ubwandilo 38:6

U Yuda akamusendela u Tamala, umwana wache ukatote u Eli pakuba muchi wache.

Ubwandilo 46:12

Abana aba Yuda bo aba: U Eli nu Onani nu Shela nu Pelezi nu Zela. U Eli nu Onani bakafwila mu Kenani. Abana aba Pelezi bo aba: U Heziloni nu Hamuli.

1 Imbili 2:3

U Yuda akapapa u Eli nu Onani sona nu Shela. Abana batatu banaba akapapa nu muchi wache uwamu Kenani umwana uwa Shuwa. Ukatote wache u Eli akananga nkani pamaso pa Mwene umwakuti akamughogha.

1 Imbili 4:21

U Shela umwana uwa Yuda akapapa u Eli, u Eli akapapa u Lada, u Lada akapapa u Malesha poka na baluko babo bakubomba imbombo iyakuluka amenda amatonte aba mu Beti Ashibeya.

Ukubelengiwa 26:19

Abaluko ulwa Yuda bakaba bo aba: U Eli nu Onani, loli bakafwila muchisu icha Kenani.

Ukubelengiwa 26:20

Aba bakaba baluko ulwa Yuda ukuyana ni nyumba yabo bakaba bo aba: U Shela akaba munyenya uwa bamunyumba iya ba Shela u Pelezi akaba munyenya uwa bamunyumba iya ba Pelezi nu Zela akaba munyenya uwa bamunyumba iya ba Zela.