Ubwandilo 38:24 - IBAYIBOLO 2024

²⁴ Bo pachilapo amezi matatu u Yuda akivwa ukuti, “Umulasagha wako u Tamala we malaya, ali nu lwanda.” Panapo na panapo, u Yuda akamulamula ukuti, “Bukagha pakumusenda nukumocha ukuti afwe.”

Ubwandilo 38:24 Iomraidhean Croise

Ubwandilo 20:3

Ubusiku bumo u Chala akamubonekela u Abimeleki muchilota nukuti, “Awe ukwiza pakufwa pachifukwa ichakuti wasenda umuchi uwa muntu.”

Ubwandilo 20:7

Loli ilelo kamunyosekezye umwanavuli yula umuchi wache. Umulume wache we mulaghuzi, po akwiza pakukwiputila, umwakuti utakafwe. Loli nanti utakumunyosekezya umwanavuli yula umuchi, nkukusoka ukuti awe poka na bantu bako bosi mukwiza pakufwa.”

Ubwandilo 20:9

U Abimeleki akamwitizya u Abulahamu nukumulalusya ukuti, “Nkimba watubombela choni? Nkimba nakunangila choni ukuti wize nu lufundo ulukulu ulu papane, sona na pabumwene bwane? Wabomba ivintu vivyo vitambaghiye pakumbonekele.

Ubwandilo 34:31

Loli bakamwamula bakati, “Tutangitikizya ukuti umuyemba witu abanje ngati po we malaya.”

Ubwandilo 38:23

U Yuda akamula akati, “Muleke asende ivintu vyane pakuba vyache, lumo abantu bangatuseka. Ennya namutumiye umwana uwa mbuzi, napapo utakamwaghapo umukolo yula.”

2 Samuweli 12:5

U Devedi akamukalalila nkani umukabi yula nukumubuzya u Natani ukuti, “Nkulapa pamaso pa Mwene ukuti umuntu yuyo akabomba bunubu afwanje.

2 Samuweli 12:7

Po u Natani akamubuzya u Devedi akati, u Mwene u Chala uwa ba Izilayeli, ati, “Umuntu yunuyu wewe! Ane nkakupakazya amafuta pakuba we mwene uwa ba Izilayeli, sona nkakupoka munyobe izya Sabuli.

Umulumbilili 7:26

Nkachagha ichintu chimo chakubaba nkani ukubuchila ubufwe, umukolo yuyo umoyo wache ghuli ngati cho chipingo, sona inyobe zyache zili ngati bo bunyololo. Umuntu yuyo akumuhobosya u Chala akumuleghuka umukolo yunuyu, loli umuntu umubibi akulemiwa ni chipingo chache.

Yelemiya 2:20

“Pakuti kale ukapyola ikoli lyako nukudumulannya iminyololo yako ukati, ‘Ntakwiza pakukubombela!’ Momumo, pighamba lyosi sona na muntende mwikwi lyosi ilyakuvwinka ukughona nukubomba ubwamalaya.

Yelemiya 3:1

“Nanti u mwanavuli akumusosya umuchi wache, sona u mukolo yula akwepako kukwache, nukusendana nu mwanavuli uyunji, nkimba u mwanavuli yula anganyokela nukumusenda sona u mukolo yula pakuba muchi wache? Nkimba ichisu chila chitanganyaziwa? Loli wabomba ubwamalaya na baghaniwa abinji nkani, nkimba unganyokela kukwane? Ane ne Mwene nanena.

Yelemiya 3:6

Mubulaghili ubwa mwene u Yosiya, u Mwene akambuzya akati, “Nkimba wazyennya zizyo u Izilayeli umusita kusubiliwa yula azibomba? Ankana pakukwela pighamba pamwanya sona na muntende mumakwi mulamula, abomba ubwamalaya.

Yelemiya 3:8

Nkamupa u Izilayeli umusita kusubiliwa yula ukalata uwasoka. Loli pope bulo umuyemba wache u Yuda umusita kusubiliwa yula atakaba nubogha nabumobumo, wepe bulo akabuka pakulowa.

Ezekiyeli 16:15

“ ‘Loli ukasubila ukuboneka akiza kwako nukubombezya ubumanyikwe bwako pakuba we malaya. Ukiyipa pakuba we malaya na wesi yuyo akwenda papako sona ukuboneka akiza kwako kukaba kwa muntu wesi yuyo akukunyonywa.

Ezekiyeli 16:25

Pa musebo ghosi ukazengapo ubuzilo ubwapamwanya ubwa kwiputilapo nukukusamula ukuboneka akiza kwako kuwesi yuyo akudumusannya nukubomba nawe ubwamalaya bwako.

Ezekiyeli 16:26

Ukabomba ubwamalaya naba Ijiputi, abapalamani bako abavinyonywa po ukankalalizya pachifukwa ukabalizya ubwamalaya bwako.

Ezekiyeli 16:28

Ukabomba ubwamalaya naba Asiliya, pachifukwa ichakuti utakikutiziwa, naloli ukabomba nabo loli pope bulo utakikutiziwa.

Ezekiyeli 16:41

Bakwiza pakocha inyumba zyako nukukufundila pamaso pabakolo abinji. Nkwiza pakumazya ubwamalaya bwinyu sona mutakwiza pakuvilipila ivighane vyinyu.

Ezekiyeli 23:19

Pope bulo akendelela pakubomba ubwamalaya, akazikumbuka imbombo zyache izya kubulindu, pakabalilo kako akabombagha izya bwamalaya muchisu icha Ijiputi.

Ezekiyeli 23:44

Bakaghona nu mukolo yula ngati mumo abanavuli bakughonela na bamalaya, po bakabaghona Ohola nu Oholiba.

Ezekiyeli 23:5

“Ohola akabombagha ubwamalaya bo achili wane, po akibika nkani umoyo wache pavighane vyache aba Asiliya,

Hoseya 2:5

Unyina atakaba musubiliwa, sona akamela ulwandwa bo akubomba inkozyasoni. Akati, “Nkwiza pakubakonka abapamoyo bane, babo bakumpa ichakulya, na mizi. Bakumpa sona ameya, na menda amatonte, na mafuta agha misyunguti, sona nu vinyo.”

Hoseya 3:3

Nkamubuzya nkati, “Ilelo Wikalaye munyumba yane amasiku aminji, po utakabombaye sona ubwamalaya, pamo ukulowa sona nu mwanavuli uyunji. Nane bulo nkwiza pakwikalagha poka nawe.”

Hoseya 4:15

“Mwee ba Izilayeli napapo mukulowa nkani, loli aba Yuda batakabanje ninongwa. “Mutakabukaye ku Giligali, pamo ku Beti Aveni. Mutakalapaye ukuti, ‘Nkulapila mwitabwa ilya Mwene umumi!’

Aba Levi 20:10

“ ‘Nanti umuntu akulowa nu muchi uwa mupalamani wache, bosi babili umwanavuli nu mukolo baghoghiwanje.

Aba Levi 21:9

“ ‘Nanti umwana umulindu uwa muputi aba we malaya, akumukozya isoni uwise, po umwana yula ochiwanje numoto.

Aba Loma 14:22

Usungilile zizyo ukusubila nizya vintu vinivi pakasi papako nu Chala. Musayiwa umuntu yuyo atakwilonga mwene, bo asimikizya ukuti ichintu chicho akubomba, chiza.

Ukukumbusya Amalamulo 24:16

Abapapi batakaghoghiwanje pachifukwa icha mbibi izya bana babo, bope abana batakaghoghiwanje pachifukwa icha mbibi izya bapapi babo. Loli umuntu wesi aghoghiwanje pachifukwa icha mbibi izyache ni zyache.

Abalongi 19:2

Loli umukolo yula akamuleka umulume nukubwela kwa wise mu Betelehemu muchisu icha Yuda. Bo amala amezi folo munyumba iya wise,