Ubwandilo 37:9 - IBAYIBOLO 2024

⁹ Po u Yosefu akalota ichilota ichinji nukubabuzya abawamwabo ukuti, “Mwebaya mwee, ivwa kuno, ichilota ichinji, indotite ukuti izuba nu mwezi, sona ni ntondwa 11 zikunfughamilila.”

Ubwandilo 37:9 Iomraidhean Croise

Ubwandilo 20:3

Ubusiku bumo u Chala akamubonekela u Abimeleki muchilota nukuti, “Awe ukwiza pakufwa pachifukwa ichakuti wasenda umuchi uwa muntu.”

Ubwandilo 37:10

Akabalilo aka akamubuzya sona nu wise poka na abawamwabo. Po uwise akamuchemela akati, “Nkimba chilota choni chicho walotite? Fwandi, ane nu nyoko poka na bawamwinyu tukwiza pakukufughamilila bati?”

Ubwandilo 37:7

Twebosi tukaba mumughunda twapinyagha inkose izya ngano. Bo tukuzipinya, inkose yane yikimilila, po inkose zyinyu zikaghuzyungulila, nukuyifughamilila inkose yane yila.”

Ubwandilo 37:8

Po abawamwabo bala bakamulalusya bakati, “Nkimba ukwinong'ona ukuti ukwiza pakuba we mwene witu? Pamo naloli ukwiza pakutulaghila aswe?” Bunubu bakamubenga nkani ukuchila napo pabwandilo pachifukwa icha chilota chache chila poka na mazyu ghagho akababuzya.

Ubwandilo 41:25

Po u Yosefu akamubuzya u Falabo akati, “Ivilota vibili ivya Falabo vikung'anamula ichintu choka; u Chala amuvumbulila u Falabo zizyo akwiza pakubomba.

Ubwandilo 41:32

Pakulota ivilota akabubili kukung'anamula ukuti ichintu ichi chikabatikiwa nu Chala, sona u Chala akwiza pakuchibomba lunulu.

Ubwandilo 42:6

Pakuti u Yosefu akaba mulaghili uwa chisu, akabaghulizizya abantu ivyakulya babo bakafumagha kuvyisu vyosi ivya muchisu ichapasi. Po bope abawamwabo aba Yosefu bakiza nukufughama pamaso papache.

Ubwandilo 43:26

Bo u Yosefu afika munyumba bakiza ni vyabupi munyumba vivyo bakaba navyo, po bakafughamila.

Ubwandilo 43:28

Bakamwamula bakati, “Uwambombo wako utata witu ali akiza, sona achili mumi.” Bakinama nukumuchindika.

Ubwandilo 44:14

Bo u Yuda na bawamwabo biza kunyumba iya Yosefu, u Yosefu, akaba achili ali kulakula, bakafughamila pamaso papache.

Ubwandilo 44:19

U mwene wane ukatulalusya ukuti, ‘Nkimba muli nu ghuso pamo uwamwinyu?’

Ubwandilo 45:9

Lubilolubilo nyokela kwa tata wane, mumubuzye ukuti umwana wako u Yosefu akuti, ‘U Chala ankwezya pakuba ne mulaghili uwa chisu chosi icha Ijiputi. Mwize kuno, mutakazyelaye.

Ubwandilo 46:29

u Yosefu akakwela mungolo yache pakukomana nu wise u Yakobo ku Gosheni. Bo afika akamukukila, sona akalila akabalilo akatali nkani.

Ubwandilo 47:12

U Yosefu akamupa uwise ichakulya, na bawamwabo, sona na bosi babo bakikalagha munyumba iya wise, ukuyana nu bwinji ubwa bantu.

Daniyeli 8:10

Ulupembe lula lukakula nkani, umwakuti lukapalamasyanga utubukatila ni ntondwa na basilikali aba kumwanya, po lukabasumbila pasi abasilikali bamo aba kumwanya nukubakanyankila.

Ukubelengiwa 12:6

U Mwene akati, “Ivwa kuno! Nanti umulaghuzi uwa Mwene ali pakasi papinyu, ane nkwilanjizya nemwene kukwache muvisetuka, sona nkunena nawe muvilota.

Aba Filipi 2:15

umwakuti mubanje bantu abazelu, sona abasita nongwa, nukuba bana aba Chala abasita chilema nachimochimo, babo bakwikala muchisu icha bantu abankulilo mbibi. Mubaghiye mulamaye muchisu ichapasi ukuyana namumo intondwa zikulamila kumwanya,