Ubwandilo 37:4 - IBAYIBOLO 2024

⁴ Loli bo abawamwabo bennya ukuti amughanite nkani u Yosefu ukubachila abene, bakamubenga, sona batakanena nawe nachimochimo mumutende.

Ubwandilo 37:4 Iomraidhean Croise

Ubwandilo 27:41

U Esabu akamubenga nkani u Yakobo pachifukwa ichakuti uwise akamusaya u Yakobo mubuzilo bwache. Po akati, “Amasiku aghakulila ubufwe ubwa tata ghali papipi, po nkwiza pakumughogha umuzuna wane u Yakobo.”

Ubwandilo 37:11

Abawamwabo bakanda pakumubikila akabini akakulu nkani. Loli uwise akendelela pakwinong'ona.

Ubwandilo 37:5

Isiku limo u Yosefu akalota ichilota, nukubabuzya abawamwabo bache nizya chilota chache chicho akalota, po bakamubenga nkani.

Ubwandilo 4:5

Loli u Mwene atakahoboka nu Kayini, po atakapokela ichakwiyipa chache. Pachifukwa chinichi u Kayini akakalala nkani nukusiluka icheni chache.

Ubwandilo 49:23

Abalwani bache bakumuzyungulila nu bwele nu tulasilo; bakumulasa nukumusamula nkani.

Masalimo 38:19

Abalwani bane binji sona bamaka, bope abakumbenga bo intanangite nachimochimo baba binji.

Masalimo 69:4

Abakumbenga binji nkani ukuchila isisi izya kumutu wane, sona abalwani bane babo bakulonda pakungogha binji nkani, umwakuti banfyengite bulo pakunyosezya papo ichintu chicho intibite?

Yelemiya 12:6

Pakuti nabo bawamwinyu sona naba munyumba yako bakukulongelela ukuti ufwanje. Utakabasubilaye, napapo mu mazyu ghabo bakuba ngati po bamanyani bako.

Maliko 3:25

nanti abantu abamunyumba yoka basambukilana, inyumba yila yitangendelela.

Titi 3:3

Pakuti naswe bulo akabalilo kamo tukaba bapunganu, abasita ukwivwila, sona na bakusobela. Tukaba bazya aba vinyonywa ivibibi, sona ni vintu vyosi ivyakulekanalekana ivyakuhobosya umubili. Tukalindagha mumbibi na mukabini. Abantu abanji bakatubenga, sona naswe bulo tukababenga.

1 Yohani 2:11

Loli nanti umuntu amubengite umukamu wache, kokuti achili ali muchisi. Akwenda muchisi sona atakumanya na kuko akubuka, pachifukwa ichakuti ichisi chamupela pakuba mufwamaso.

1 Yohani 3:10

Umu momumo Abana aba Chala na bana aba Satana balekaniye: Umuntu wesi yuyo atakubomba chicho chigholosu, pamo umuntu yuyo atamughanite umukamu wache, ate mwana uwa Chala.

1 Yohani 3:12

Tutakabe ngati we Kayini yuyo mwana uwa Mubibi, sona yuyo akamughogha umuzuna wache. Nkimba choni chicho akamughogha? Pachifukwa ichakuti ivintu vivyo akabombagha vikaba vibibi, loli ivintu vivyo umuzuna wache akabombagha vikaba vigholosu.

1 Yohani 4:20

Nanti umuntu yumo akuti, “Imughanite u Chala”, loli amubengite umukamu wache, kokuti mumyasi. Umuntu wesi yuyo atakumughana umukamu wache yuyo akumwennya na maso, kokuti atangamughana u Chala, yuyo atamwenizyepo nalumo.

1 Samuweli 17:28

Bo u Eliyabu, umukulu uwa Devedi amwivwa akunena na bantu bala, akamukalalila nkani, po akamulalusya akati, “Nkimba wiza pakubomba choni kuno? Nkimba ing'ozi wamulekela uwenu mukunkolongo mula? Inzimenye ukuti awe we muntu uwakwitutumula, sona we muntu umubibi nkani. Awe wiza kuno pakwennya bulo ubwite!”