Ubwandilo 37:36 - IBAYIBOLO 2024

³⁶ Pakabalilo kalakala abantu aba mu Midiyani bakamughulizya u Yosefu ku Ijiputi kwa Potifala, ikambala ilya Falabo, usongo uwa balindilili.

Ubwandilo 37:36 Iomraidhean Croise

Ubwandilo 37:28

Bo abaghulizi aba ku Midiyani biza palapala, abawamwabo bakamufumizya kuzi u Yosefu nukumughulizya kwa Ishimayeli ni ndalama izya siliva izyakukwana 20, po bakabuka nawe ku Ijiputi.

Ubwandilo 40:3

Akabighalila mujela nukubabika munyobe izya musilikali usongo yuyo akalindililagha kunyumba iya mwene yula, mujela mumo u Yosefu akasungiwa.

Ubwandilo 40:4

Usongo uwa balindilili bala akababika munyobe izya Yosefu ukuti abenelezyanje abantu babili bala. Bakikalamo akabalilo akatali nkani.

Ubwandilo 41:12

Munyumba mulamula mukaba umulumendo uwa Chihebeli yuyo akaba wambombo uwa songo uwa balindilili, sona bo twamubuzya ivilota vyitu akatung'anamulila, pakutubuzya iching'anamulo icha chilota icha uyu pamwene na pamwene.

2 Abamwene 25:8

Pisiku ilyaseveni ilya mwezi uwafayivi, mumwaka uwa 19 bo u mwene u Nebukadineza akulaghila mu Babiloni, u Nebuzaladani usongo uwa balindilili aba kunyumba iya bumwene, lilyo likaba likambala ilya mwene uwamu Babiloni, akiza mu Yelusalemu.

Esitele 1:10

Pisiku ilyaseveni ilya lusekelo lula, bo u mwene u Ahaziwelo akolwa nu vinyo akabalamula abambombo bache abapase seveni, kokuti u Mehumani nu Bizita nu Halibona nu Bigita nu Abagita nu Zetali sona nu Kalakasi,

Masalimo 105:17

Po akamutuma umuntu pantazi papabo, u Yosefu yuyo akaghuliziwa pakuba muzya.

Yesaya 56:3

Umuyeni yuyo imamatizya kwa Mwene atakanenaye ukuti, “U Mwene akwiza pakunyefyako ku bantu bache.” Sona umuntu umupase atakilumbusyanje ukuti, “Ane ne likwi ilyumizu.”

Yelemiya 39:9

U Nebuzaladani umulongozi uwa balindilili akabasendela kubuzya ku Babiloni abantu babo bakasyalikila mukaya akakulu nkani, poka na bantu babo bakachimbilila kukwache, sona na bantu abanji.

Daniyeli 2:14

Bo u Aliyoki yuyo akaba we songo uwa balindilili aba kunyumba iya mwene, akabuka pakubaghogha abantu abamahala aba mu Babiloni, u Daniyeli akanena nawe umwamahala, sona na mumuchizi.