Ubwandilo 37:34 - IBAYIBOLO 2024

³⁴ Po u Yakobo akazepulannya amenda ghache, akavwala amasaka nukulila ubufwe ubwa mwana wache amasiku aminji.

Ubwandilo 37:34 Iomraidhean Croise

Ubwandilo 37:29

Bo u Lubeni apyanila kuchiliba chila nukwennya ukuti u Yosefu atalimo, akazepulannya amenda ghache pachifukwa icha chitima.

Ubwandilo 42:38

Loli u Yakobo akamwamula akati, “Umwana wane atangabuka namwe, pachifukwa ichakuti umukulu wache afuye, ennya asyalite mwene. Buli nanti ichintu ichibibi chamubonekela muzila, po nkwiza pakubalilila mwenemwe nivwi zyane izi mupaka bo bufwe bwane.”

Ubwandilo 44:13

Po abawamwabo bala bakazepulannya amenda ghabo, pachifukwa ichakuti ichitima chikabalema, umuntu wesi akakwezya ukatundu wache pampunda nukunyokela kukaya akakulu nkani.

2 Samuweli 1:11

U Devedi akazepulannya amenda ghache pachifukwa icha chitima, sona bope abantu bache bakabomba bunubu.

2 Samuweli 3:31

Po u Devedi akamubuzya u Yowabu poka na bantu bache akati, “Zepulannya amenda ghinyu, nukuvwala amasaka, sona mumulile u Abinala.” U mwene u Devedi akakonkagha kwisinda ukwa bantu babo bakanyamula umuvimba uwa Abinala.

1 Abamwene 20:31

Amakambala agha Beni Hadadi ghakati, “Twivuye ukuti abamwene aba mu Izilayeli bachisa nkani. Utwitikizye ukuti tubuke kwa mwene uwamu Izilayeli, bo tuvwalite amasaka mumisana yitu, sona bo tupinyite inkusa musingo zyitu, lumo angatuleka bumi.”

1 Abamwene 21:27

Bo u Ahabu ivwa amazyu ghanagha akazepula amenda ghache, nukuvwala amasaka, sona akatuzya pakulya. Akalambalala bo avwalite amasaka nukwanda pakwenda bo asulumanizye ni chitima ichikulu nkani.

2 Abamwene 19:1

Bo u mwene u Hezekiya ivwa zinizi, akazepula amenda ghache nukuvwala amasaka pachifukwa icha chitima nukubuka mu Nyumba iya Mwene.

2 Abamwene 2:12

Bo u Elisha azyennya zinizi, akalila akati, “Wee tata, wee tata! Wee ngolo izya bwite izya ba Izilayeli, na bantu abakukwela pafalasi.” Po u Elisha atakamwennya sona u Eliya. U Elisha akazepula umwenda wache pabili pachifukwa icha chitima.

2 Abamwene 22:11

Bo u mwene aghivwa amazyu agha mwi Buku ilya Ndaghilo, akazepulannya inkazo yache pachifukwa icha chitima.

1 Imbili 21:16

U Devedi akatalankannya nukumwennya uwantumi uwa Mwene imiliye mumwanyamwanya, bo agholosezizye upanga wache pa Yelusalemu. Po u Devedi poka na balongozi bakafuma, bo bavwalite amasaka pachifukwa icha chitima.

1 Imbili 7:22

Uwise u Efulayimu akabalila amasiku aminji nkani, po abakamu bache bakiza pakumusangalusya.

Nehemiya 9:1

Pisiku ilya 24 ilya mwezi ghulaghula, aba Izilayeli bakabungana poka. Bakatuzya pakulya nukuvwala amasaka sona bakinyafila ulufumbi pamitu yabo pachifukwa icha chitima.

Yobu 1:20

Bo u Yobu ivwa zinizi akimilila, nukuzepula inkazo yache sona akamwa isisi zyache pachifukwa icha chitima. Po akawa pasi nukumwiputa u Chala

Yobu 16:15

Nasonela amasaka kumubili wane nukughasyila amaka ghane mulufumbi.

Yobu 2:12

Bo bamwennya pabutalipo batakamumanyagha napo panandi. Po bakanda pakulila umwakukolomoka sona bakazepula inkazo zyabo nukwinyafila ulufumbi pamitu yabo pachifukwa icha chitima.

Masalimo 69:11

Bo nkuvwala amasaka pakulanjizya ichitima, pope bulo abantu bakunseka.

Yesaya 32:11

Tetemagha amwe mwebakolo mwemwifwasiye bulo, amwe mwe balindu mwe mutakupasya nachimo. Vula amenda ghinyu, nukuvwala amasaka mumisana ghinyu pachifukwa icha chitima.

Yesaya 36:22

Po u Eliyakimu umwana uwa Hilikiya umulongozi uwa munyumba iya bumwene nu Shebina umusimbi, sona nu Yowa umwana uwa Asafu umusungi uwa mabuku agha mbili, bakabuka kwa Hezekiya, na menda amazepuke, nukumubuzya zizyo usongo uwa basilikali akanena.

Yelemiya 36:24

U mwene na babombi bache babo bakivwa amazyu ghanagha, batakaba nubogha nabumobumo, pamo ukuzepulannya amenda ghabo.

Yelemiya 48:37

Pakuti umuntu wesi amwiye kumutu wache sona umuntu wesi amwiye indevu zyache pachifukwa icha chitima. Inyobe yosi yidumuliwe sona umusana ghosi ghuvwikiwe ni saka.

Yoweli 2:13

Zepula amoyo ghinyu, mutakazepulaye inkazo zyinyu. Nyokela kwa Mwene u Chala winyu, pakuti wachisa sona wachililizi. Akuzyela pakukalala, akuzibomba zizyo alayizya, akubahobokela imbibi abantu, sona atakulonda pakubafunda.

Matayi 11:21

“Chighune kukwako Kolazini! Chighune kukwako Betisayida! Nanti ivyika vivyo vibombiwe mumwinyu, vyabombiwe mutwaya utwa Tile nu Sidoni, ngali abantu mulamula bavwalite kale amasaka nukwikupulila itoyi mumubili ukulanjizya ukuti naloli bapinduka nukuzileka imbibi zyabo!

Matayi 26:65

Po umuputi usongo yula mubukalale akazepula inkazo yache nukuti, “Akumusamula u Chala! Nkimba tukulonda sona abakaboni abanji? Mwivuye mwebene mumo amusamuliye u Chala.

Imbombo 14:14

Bo u Balanabasi nu Pabuli bivwa zizyo bakalondagha ukuti babombe, bakazepula amenda ghabo nukuchimbilila pakasi pachilundilo, bakakolomoka nkani bakati,

Yoshwa 7:6

Bo u Yoshwa ivwa zinizi, akazepulannya amenda ghache nukukupama pantazi pa Bokosi ilya Lufingo ilya Mwene mupaka pachamabwila. Bope na balongozi aba ba Izilayeli bakabomba bunubu, bo binyafiye ulufumbi pamitu pachifukwa icha chitima.

Ubuvumbuli 11:3

Nkwiza pakubatuma abakaboni bane babili abakuvwala amasaka pachifukwa bakalililagha imbibi. Bakwiza pakulumbilila Amazyu Amiza agha Chala amasiku 1,260.”

Abalongi 11:35

Bo u Yefuta amwennya umwana wache yula, akazepula amenda ghache nukulila ukuti, “Wee mwana wane! Wamvulazya umoyo, sona wanyizila nintamyo, pachifukwa ichakuti ichilapo chicho nkalapa kwa Mwene intangachandula.”