Ubwandilo 37:18 - IBAYIBOLO 2024

¹⁸ Abawamwabo bala bakamwenezyapo pabutali bo achili nkani nukuti afike papipi nabo. Bakanda pakubatika ukuti bamughoghe.

Ubwandilo 37:18 Iomraidhean Croise

Ubwandilo 27:41

U Esabu akamubenga nkani u Yakobo pachifukwa ichakuti uwise akamusaya u Yakobo mubuzilo bwache. Po akati, “Amasiku aghakulila ubufwe ubwa tata ghali papipi, po nkwiza pakumughogha umuzuna wane u Yakobo.”

Ubwandilo 37:19

Bakanenezyannya bakati, “Unavilota uyo akwiza!

Ubwandilo 50:15

Bo abakamu aba Yosefu bennya ukuti uwise afwa bakati, “Nkimba buli nanti u Yosefu anda pakutubenga nukubatika pakutanizya pabubibi bubo tukamubombela?”

Ubwandilo 50:20

Mukabatika ukuti mumbombele ububibi, loli u Chala akabatika ubwiza, ukuti bupoke ubumi ubwa bantu abinji, babo bumi ilelo pachifukwa icha zizyo zikaboneka.

Masalimo 105:25

U Mwene akaghapela amoyo agha balwani babo ukuti bababenge abantu bache, ukuti bababombele ububibi ababombi bache.

Masalimo 109:4

Nanti nkubaghana, abene bakumbenga, loli ane ne muntu uwa nyiputo.

Masalimo 31:13

Pakuti nkwivwa ukuteketa ukwa bantu abinji sona bakunyoghofya kumbazu zyosi. Bakunenezannya nizya kunsambukila, sona bakubatika ukuti bangoghe.

Masalimo 31:14

Wee Mwene wane, nkusubiye wewe. Po nkuti, “Awe we Chala wane.”

Masalimo 37:12

Ababibi bakubatika pakubabombela abagholosu ivintu ivibibi, sona bakubamemenela amino.

Masalimo 37:32

Abantu ababibi bakubavwamilila abagholosu, pakubulondelezya ubumi bwabo.

Masalimo 94:21

Bakubavwima abagholosu, po bakubaghogha abantu babo bate ninongwa.

Matayi 21:38

“Loli bo abalimi bala bamwennya umwana yula, bakanda pakunenezannya ukuti, ‘Yunuyu mwana wache, yuyo akwiza pakupyana ichilingo icha wise. Zagha tumughoghe umwakuti ichilingo chibanje chitu.’

Matayi 27:1

Pandabindabi nkani abaputi abasongo bosi na balongozi aba Chiyuda bakivwana ukuti bamughoghe u Yesu.

Maliko 12:7

Loli abalimi bala bakanda pakunenezannya ukuti, ‘Yunuyu mwana wache, yuyo akwiza pakupyana ichilingo icha wise. Zagha tumughoghe umwakuti ichilingo chibanje chitu!’

Maliko 14:1

Kukasyalako bulo amasiku mabili ukuti Ulusekelo ulwa Pasa nu Lusekelo ulwa Chibama chicho chite ni chilungo lubeko. Abaputi abasongo na bamanyisi aba Ndaghilo bakalondagha izila iyakubusyefu iyakumulemela u Yesu nukumughogha.

Yohani 11:53

Ukwandila pisiku lilalila, abalaghili aba Chiyuda bakivwana nizya kumughogha u Yesu.

Imbombo 23:12

Bo kwacha, aba Yuda bakabatika nizya kumughogha u Pabuli. Bakalapa kwa Chala ukuti batakwiza pakulya pamo ukung'wela kamo mupaka papo bamughogha u Pabuli.

1 Samuweli 19:1

U Sabuli akamulamula umwana wache u Yonatani, poka na makambala ghache ghosi ukuti bamughoghe u Devedi. Loli u Yonatani akamughana nkani u Devedi.